ASTANA. 18 sáýir. Kolýmbııada zıka bezgegine 68 myńnan astam adam shaldyqqan. Bul týraly TASS aqparat agenttigine silteme jasaǵan egemen.kz tilshisi habarlady.
«Qaýipti dertti 68 myń 630 adam juqtyrǵan. Onyń 12,3 myńy júkti áıelder», – dep málimdedi Kolýmbııanyń ulttyq densaýlyq saqtaý ınstıtýty
Alaıda, mamandardyń aıtýynsha, naýryz aıymen salystyrǵanda sáýir aıynda atalǵan vırýs túriniń taralýy azaıǵan. О́tken aıdyń bas kezinde 61,3 myń adamnyń zıkany juqtyrǵany anyqtaldy. Sondaı-aq, eki sábı mıkrosefalııaǵa shaldyqqan.
Dúnıejúzilik densaýlyq saqtaý uıymynyń habarlaýynsha, zıka bezgegi júkti áıelder úshin asa qaýipti. Ishtegi sharananyń mıkrosefalııaǵa shaldyǵyp, bas súıegi men mı qurylysynyń óz mólsherinde jetilmeýine jáne estý, kórý múshelerinde aýytqýshylyqtardyń paıda bolýyna alyp keledi.
Aıta keteıik, mamandar osydan birer apta buryn zıkanyń jynystyq jolmen de taralatynyn málimdegen bolatyn.
Aıan Ábdýálı.
Derek: TASS.
Foto: korrespondent.net.