ASTANA. 18 sáýir. Fılıppınniń Manıla qalasynda taekvondodan Azııalyq lısenzııalyq týrnır ótti. Osy synda taekvondoshy Rsýlan Japarov Olımpıadaǵa lısenzııany jeńip aldy. Bul týraly egemen.kz tilshisi habarlady.
Jartylaı fınaldyq jekpe-jekte 80 kılodan asa salmaqta synǵa túsken Armııa ortalyq sport klýbynyń sportshysy, sport sheberi, efreıtor Rýslan Japarov pákistandyq taekvondoshy Arshad Atıefti jeńdi. Osy jeńis lısenzııalyq týrnırdiń erejesi boıynsha otandasymyzǵa Olımpıadaǵa lısenzııa alyp berdi. Fınalda Japarov Qytaıdyń sportshysynan jeńilip, kúmis júldeger atandy.
«Bul joldama – sportshymyz ben búkil jattyqtyrýshylar shtabynyń qajyrly eńbeginiń jemisi. 2015 jyldan bastap Rýslan joldamany jeńip alý úshin upaı jınaı otyryp, ártúrli halyqaralyq dodalarǵa qatysty. Úıge oralysymen Japarovty Almaty qalasynda ótetin jıyndar kútip tur. Odan keıin Koreıa men Brazılııadaǵy jıyndarda Olımpıadaǵa qyzý daıyndyqty bastaımyz», dedi AOSK komandasynyń aǵa jattyqtyrýshysy, kapıtan Ánýar Úsenov aıtyp berdi.
Rýslan Japarov – Qorǵanys mınıstrligi Armııa ortalyq sport klýbynyń qorjynyna Olımpıadanyń segizinshi joldamasyn jeńip alǵan sportshy.
Dastan Kenjalın.
Derek, foto: Qorǵanys mınıstrligi.