Keshe Mádenıet jáne sport mınıstri Arystanbek Muhamedıuly jáne Sybaılas jemqorlyqqa qarsy ulttyq bıýro tóraǵasynyń orynbasary Alık Shpekbaevtyń qatysýymen memlekettik organdarda sybaılas jemqorlyq áreketteriniń aldyn alý jáne boldyrmaý máseleleri boıynsha selektorly jınalys ótti.
Onyń jumysyna mınıstrlik komıtetteri jáne departamentteriniń basshylary, vedomstvolyq baǵynyshty uıymdardyń jetekshileri jáne Astana, Almaty qalalary men aımaq ákimdikteri salalyq bólimderiniń ókilderi qatysty.
Vedomstvo basshysy A. Muhamedıuly Mádenıet jáne sport mınıstrligi men oǵan qarasty uıymdarda sybaılas jemqorlyq faktilerine tosqaýyl qoıý jáne boldyrmaý boıynsha júrgizilip jatqan jumys týraly baıandady. Al Ulttyq bıýro tóraǵasynyń orynbasary A. Shpekbaev álemdegi eń qaýipti kesel bolyp tabylatyn sybaılas jemqorlyqpen kúrestiń ózektiligi men kúrdeliligine toqtaldy. Bul baǵytta tıimdi jumys júrgizý úshin barlyq jaǵdaı jasalyp, tıisti quqyqtyq baza qurylǵan. 2016 jyly 59 zań, sonyń ishinde Sybaılas jemqorlyqqa qarsy kúres týraly zań qabyldanyp, 2015-2025 jyldarǵa arnalǵan. Sybaılas jemqorlyqqa qarsy strategııa iske qosyldy. Ol sybaılas jemqorlyqty boldyrmaý, ishki jáne syrtqy qaýipterdi saraptaý, sybaılas jemqorlyqqa qarsy bilim berý jáne tárbıeleý, t.b. ınstıtýttardy kózdeıdi.
Sonymen qatar, A. Shpekbaev mádenıet jáne sport uıymdary men mekeme basshylarynyń nazaryn saladaǵy sybaılas jemqorlyqty joıý boıynsha is-áreketterdi qatań baqylaýǵa alyp, sybaılas jemqorlyq qaýipterin aldyn alý men eskertý úshin barlyq sharalar júrgizý jáne sala qyzmetkerleri arasynda túsindirme jumystardy turaqty túrde júrgizýdiń mańyzdylyǵyna aýdardy, dep habarlady Mádenıet jáne sport mınıstrliginiń baspasóz qyzmeti.