qaraǵaı men qaıyń kóshetterinen quraldy
Shyǵys Qazaqstanda ormanshylar oblys ortalyǵynyń mańaıyna jasandy orman ósirýde. Osy maqsatta óńirdegi arnaıy tálimbaqtarǵa qatań aýa raıyna beıimdelgen eki jarym myń qaraǵaı men qaıyń kóshetteri otyrǵyzyldy.
Jýyrda osy qoldan egilgen kóshetteri óskemendikterdiń jaqsy kóretin demalys oryndarynyń biri – Taýly Úlbi aýmaǵyndaǵy 50 gektar aýmaqqa qonystandyryldy. Jas óskinderdiń jaıqalyp ósýi úshin atalǵan aýmaq doly daýyl qulatqan jáne kárilik jetip, qýraǵan aǵashtardan tazartyldy. Jasandy ormannyń arasynda jolaýshylarǵa arnalǵan joldar men demalýshylar erkin seıildeýi úshin alleıalar da eskerildi. Aǵashtardyń dińi qataıyp, jasyl jelek jamylǵan kezinde bul oryndarǵa tynyǵýshylarǵa arnalǵan sákiler men shatyrlar ornatý kózdelip otyr.
– Balalarymyz, nemerelerimiz, keleshek urpaq ormannyń rahatyn kórýi tıis. Orman – bizdiń baılyǵymyz. Ol neǵurlym kóp bolsa, baılyǵymyz da kóp bolady, – deıdi ormanshy Murat Orazǵalıev.
Dýman ANASh,
«Egemen Qazaqstan»
Shyǵys Qazaqstan oblysy