Atyraý kabeli

Oǵan suranys joǵary Byltyr Atyraýdaǵy «PKF Kontınent Ko LTD» seriktestigi talshyqty-optıkalyq kabel shyǵa­ratyn óndiristi iske qosqan edi. Munaıly óńirde al­ǵash qolǵa alynǵan jo­ba­ny «Bıznestiń jol kar­tasy-2020» baǵ­dar­lamasy aıasynda iske asyrýǵa bet burǵan «PKF Kontınent Ko LTD» JShS bas dırek­to­ry Semen Hvannyń aıtýyn­sha, basty maqsat – telekommýnıkasııa, kólik, qurylys jáne munaı-gaz salasyna qajetti talshyq­ty-optıkalyq kabel shy­ǵarý óndirisin ıgerý. Jańa joba quny – 715 mıl­lıon teńge. Zaýytqa jalpy quny 1 mıl­­lıonnan asa AQSh dollaryn quraıtyn Qytaıdan satyp alyn­ǵan jańa tehnologııa ornatylyp­ty. «Biz ondaǵan mıllıon dollarǵa baǵalanǵan eýropalyq tehnologııa­ny satyp alý táýekeline barǵan joq­­pyz. О́ıtkeni, bul sala­da ju­mysymyzdy endi bastap otyrmyz. Degenmen, bizdiń zaýyt­taǵy qytaılyq tehnologııa­men 5 jyl boıy úzdiksiz ónim shy­ǵary­latynyna tolyq senim­dimiz. Munda eń bastysy, shıkizattyń sapa­lyǵy, ónim de soǵan sáıkes bolady. Dál osylaı deýimizge Eýropa elderiniń, AQSh jáne Japonııanyń shıkizattaryn qoldanatynymyz dálel bola alady», degen bas dırektor S.Hvannyń pikirinshe, qazir munda jergilikti mamandar jumysqa qabyldanýda. Zaýyttyń qýaty – jylyna bir aýysymmen 4 500 shaqyrymdyq, al úsh aýysymmen 11 000 shaqyrymǵa sozylatyn optıkalyq kabel shyǵarý. Sonymen birge, munda 2017 jyly mys qosylǵan kabel shyǵaratyn qosymsha eki sehty iske qosý jospary bar. Jańa kásiporyn tynys-tirshiligi týraly áńgimelegen seriktestiktiń bas dırektory Semen Hvannyń aıtýynsha, bizdiń elimizde mundaı ónimge suranys óte joǵary. Jańa ónimniń negizgi tutynýshysy «Qazaqtelekom» AQ bolary daý­syz. Osy kompanııamen 3 mıl­lıar­d teńgeden astam qarjyǵa eki jyl­dyq kelisim jasalypty. – Biz budan ózge telekom­mýnıkasııa jáne qury­lys ındýstrııasyndaǵy kom­panııa­larǵa da ónimimizdi usyný­dy oılastyryp otyrmyz. О́ıtkeni, bizdiń ónimimizge suranys bar. Olaı deıtinim, kabeldiń de qoldanýǵa bolatyn shekteýli merzimi bar, ony belgili bir ýaqyttan keıin aýystyrý qajet. Oǵan qosa qazirgi ýaqytta ınternet, baılanys, jyldamdyq sekildi jańasha talapqa saı mys qosylǵan kabelderdi talshyqty-optıkalyq túrine almastyrý kezeńi keldi, – dedi seriktestiktiń bas dırektory S.Hvan. Onyń málim etkenindeı, jańa ónimmen elimizdegi suranystyń 25-30 paıyzyn qamtamasyz etý josparlanypty. Munyń da ózindik sebebi bar. «Birinshiden, Atyraýdaǵy zaýytta shyǵarylǵan kabel túrleriniń ózindik quny Reseıdegi óndirýshilerdikinen erekshelenbeıdi. Ekinshiden, zaýyttyń óz elektr energııasy bar. Úshinshiden, elimizdegi salyq júıesi Reseıdegiden áldeqaıda kóńilge qonymdy. Demek, biz olarmen básekeles bola alamyz. Tipti, bizde Qytaıdaǵy kabel óndirýshilermen de básekeles bolatyndaı mol múmkindigimiz bar» dep esepteıtin kásiporyn basshysy turaqty jumysqa tek jergilikti 50 adam tartylǵanyn aıtady. Sol sebepten, Atyraý polıtehnıkalyq kolledjimen dýal­­dy oqytý ádisin qoldaný úshin memorandýmǵa qol qoıyldy. Joldasbek ShО́PEǴUL, «Egemen Qazaqstan»