Qazaqstan Respýblıkasy Prezıdentiniń Jarlyǵy

Q.Ý.Bıshimbaevty Qazaqstan Respýblıkasynyń Ulttyq ekonomıka mınıstri qyzmetine taǵaıyndaý týraly Qýandyq Ýálıhanuly Bıshimbaev Qazaqstan Respýb­lıkasynyń Ulttyq ekonomıka mınıstri bolyp taǵaıyndalsyn. Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 6 mamyr №250

Qýandyq Ýálıhanuly BIShIMBAEV

1980 jyly týǵan. Qazaq memlekettik basqarý akademııasyn, M.H.Dýlatı atyndaǵy Taraz memlekettik ýnıversıtetin, sondaı-aq, «Bolashaq» Prezıdenttik baǵdarlamasy sheńberinde Dj.Vashıngton atyndaǵy (AQSh) ýnıversıtetti bitirgen. Ekonomıka ǵylymdarynyń kandıdaty ǵylymı dárejesi bar. Aǵylshyn tilin meńgergen. Eńbek jolyn «Qazaqstannyń damý banki» aksıonerlik qoǵamynda bastaǵan. Ekonomıka jáne bıýdjettik josparlaý mınıstrliginde bólim bastyǵy, basqarma bastyǵynyń orynbasary bolyp jumys istedi. «Ulttyq ınnovasııalyq qor» AQ basqarýshy dırektory, «Marketıngtik jáne taldamalyq zertteýler ortalyǵy» AQ basqarma tóraǵasynyń orynbasary, «Saýda saıasatyn damytý ortalyǵy» AQ prezıdenti boldy. Ekonomıka jáne bıýdjettik josparlaý mınıstriniń keńesshisi, respýblıka Premer-Mınıstri orynbasarynyń keńesshisi laýazymdarynda qyzmet atqarǵan. Indýstrııa jáne saýda vıse-mınıstri, Prezıdent Ákimshiliginiń Áleýmettik-ekonomıkalyq monıtorıng bóliminiń meńgerýshisi, Qazaqstan Respýblıkasy Prezıdentiniń kómekshisi, Ekonomıkalyq damý jáne saýda vıse-mınıstri qyzmetterine taǵaıyndalǵan. 2011-2013 jyldary «Samuryq-Qazyna» ulttyq ál-aýqat qory» AQ basqarma tóraǵasynyń orynbasary laýazymynda qyzmet atqardy. 2013 jylǵy mamyrdan – «Báıterek» ulttyq basqarýshy holdıngi» aksıonerlik qoǵamynyń basqarma tóraǵasy.