Elbasy Nursultan Nazarbaev kórnekti kompozıtor, jazýshy, zertteýshi Ilııa Jaqanovtyń 80 jasqa tolýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Qazaqstan Prezıdenti qazaq óneri men ádebıetiniń damýyna I.Jaqanovtyń úlken úles qosqanyn atap ótti.
«El arasyna keń taraǵan «Áselim-ánim», «Jaılaýkól keshteri», «Edil men Jaıyq» jáne basqa tanymal ánderińiz arqyly birneshe býynnyń qurmetine bólendińiz. Qalamyńyzdan týǵan ádebı týyndylar ónerdegi qaıtalanbas tulǵalardyń beınesin somdap, olardy jas urpaqqa úlgi etýimen erekshelenedi. Sizdiń aıryqsha jetistikterińiz joǵary marapattarmen atap ótildi», – delingen jedelhatta.
Sońynda Memleket basshysy I.Jaqanovqa shyǵarmashylyq tabys jáne zor densaýlyq, otbasyna baq-bereke tiledi.