ASTANA. 8 mamyr. Aýǵanstannyń shyǵysyndaǵy Gaznı provınsııasynda eki jolaýshylar avtobýsy soqtyǵysyp, 73 adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Apat saldarynan taǵy 50-den astam adam túrli deńgeıde jaraqat aldy. Olardyń arasynda áıelder men balalar da bar. Oqıǵa jergilikti ýaqyt boıynsha, saǵat 06:30 kezinde Kabýl men Kandagar qalalarynyń arasynda boldy. Málimetter boıynsha qos avtobýstyń ishinde 120 adam bolǵan.
Apat saldarynan bir kólik tutastaı órtenip ketti. Jaraqat alǵandardyń bári jaqyn jerdegi aýrýhanalarǵa jetkizildi. Jol-kólik oqıǵasynyń negizgi sebebi ázirge belgisiz. Qazir polısııa qyzmetkerleri tergeý amaldaryn júrgizip jatyr.
Aıan Ábdýálı.
Derek: RIA «Novostı».
Foto: flickr.com.