ASTANA. 9 mamyr. Somalıdiń astanasy Mogadısho qalasynda lańkestik áreketten 3adam qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
«Sınhýa» agenttiginiń habarlaýynsha, oqıǵa Shanganı aýdanyndaǵy jol polısııa ýchastogyna taıaý jerde boldy. Dál osy mańaıda jankeshti mingen kólik jarylǵan. Sonymen qatar, birneshe adamnyń túrli deńgeıde jaraqat alǵany belgili boldy.
Aıta keteıik, Somalı memleketiniń astanasynda lańkestik áreketter jıi oryn alyp turady. Osyǵan baılanysty, úkimet áskeri men sodyrlar arasynda qaqtyǵystar bolady. Bıylǵy jyldyń sáýir aıynda ondaǵan adam mert bolyp, kóptegeni zardap shekti. Málimetter boıynsha, bul áreketterdiń kóbine «Ash-Shabab» radıkaldy uıymynyń qatysy bar.
Aıan Ábdýálı.
Derek, foto: RIA «Novostı».