ASTANA. 10 mamyr. Búgin fýtboldan Qazaqstan premer-lıgasynyń 10-týrynyń sońǵy úsh oıyny oınaldy. Bul týraly egemen.kz tilshisi habarlady.
«Astana» (Astana) – «Aqjaıyq» (Oral) 2:0
Goldar: Tańat Nóserbaev 45, Patrık Tvýması 48.
«Astana» óz alańynda Oraldyń «Aqjaıyǵyn» qabyldap, 2:0 esebimen jeńiske jetti. Nátıjesinde qaıtadan týrnır kestesinde birinshi orynǵa jaıǵasty. Alǵashqy taımnyń sońynda, ıaǵnı, 45-mınýtta elordalyqtardyń kapıtany Tańat Nóserbaev buryshtan asyrylǵan dopty qaqpaǵa dál baǵyttap, esep ashqan bolatyn. Al ekinshi taımnyń basynda, naqty aıtqanda, 48-mınýtta Patrık Tvýması eki birdeı qorǵaýshynyń ortasynan sytylyp shyǵyp, ádemi goldyń avtory atandy. Osylaısha, Stanımır Stoılovtyń shákirtteri bıylǵy maýsymdaǵy 9-jeńisterine qol jetkizdi.
«Tobyl» (Qostanaı) – «Qaırat» (Almaty) 1:2
Goldar: Tomash Shımkovıch 8 (penaltı) – Jerar Goý 13, 56.
Qostanaıda ótken jergilikti «Tobyl» men Almatynyń «Qaıraty» arasyndaǵy kezdesý de tartysqa toly boldy. Oıynnyń bar bolǵany 8-mınýtynda alań ıeleri sapynan Tomash Shımkovıch penaltıden esep ashyp, komandasyn alǵa shyǵardy. Alaıda, «Qaırattyń» ótken maýsymdaǵy úzdik mergeni Jerar Goý 13 jáne 56-mınýttarda eki birdeı nátıjeli soqqy jasap, dýbldiń avtory atandy. Osylaısha, almatylyqtar maýsymdaǵy 4-jeńisterin toılady.
«Jetisý» (Taldyqorǵan) – «Oqjetpes» (Kókshetaý) 1:4
Goldar: Marko Sımonovskı 78 – Marat Haırýllın 2, 90+4, Serj Srepın 32, Jasulan Moldaqaraev 59.
«Jetisý» – «Oqjetpes» matchy da týrdyń tartysty oıyndarynyń biri bolǵany sózsiz. Ázirge maýsymnyń basty jańalyǵy bolyp turǵan kókshetaýlyqtar qarsylastaryn 4:1 esebimen jeńip, qaıtadan týrnır kestesindegi úzdik úshtiktiń qataryna qosyldy. Kezdesýde kókshetaýlyqtardan Marat Haırýllın eki márte jáne Serj Srepın men Jasulan Moldaqaraev bir-birden mergendikterimen kózge tústi. Al taldyqorǵandyqtar sapynan Marko Sımonovskıdiń mereıi ústem boldy.
Aıta keteıik, keshe premer-lıganyń 10-týry aıasynda úsh kezdesý ótti. Ol oıyndardyń nátıjeleri týraly myna jerden oqı alasyzdar.
10-týr oıyndarynyń qorytyndysy boıynsha týrnır kestesi
Úzdik mergender:
Roman Murtazaev («Ertis») – 7 gol;
Gogıta Gogýa («Ertis») – 4 gol;
Azat Nurǵalıev («Ordabasy») – 4 gol,
Jerar Goý («Qaırat») – 4 gol.
11-týr oıyndary 14-15 mamyr kúnderi oınalady. Atalǵan týrdaǵy qarsylastar reti tómendegideı:
14 mamyr
«Taraz» – «Ordabasy»
«Shahter» – «Aqtóbe»
15 mamyr
«Aqjaıyq» – «Jetisý»
«Atyraý» – «Astana»
«Qaırat» – «Ertis»
«Oqjetpes» – «Tobyl».
Elaman Qońyr.
Derek: egemen.kz.
Foto: vk.com.