PETROPAVL. 11 mamyr. Petropavl qalasynda ótken «Qyzyljar barysy» oblystyq týrnırine 28 palýan qatysyp, ózara kúsh synasty. Bul týraly oblystyq dene shynyqtyrý jáne sport basqarmasyna silteme jasaǵan egemen.kz tilshisi habarlady.
Aýdandar men qalalardan saıdyń tasyndaı iriktelip kelgen palýandarǵa oblys ákiminiń orynbasary Anarhan Dúısenova sáttilik tiledi.
Jarys qorytyndysy boıynsha, altyn belbeý men 150 myń teńgeniń sertıfıkatyn 21 jastaǵy palýan Altynbek Aısaǵıtov ıelendi. Ol M.Qozybaev atyndaǵy Soltústik Qazaqstan memlekettik ýnıversıtetiniń stýdenti. Qazaqsha kúrespen 3 jyldan beri aınalysady.
Ekinshi orynǵa petropavldyq Dýlat Alpysov ıe boldy. Oǵan 100 myń teńgeniń sertıfıkaty tabys etildi. Daýren Nurǵojın jarystyń qola júldegeri atanyp, 50 myń teńge aldy.
Aıta keteıik, «Qyzyljar barysy» týrnıriniń jeńimpazdary respýblıkalyq saıysta oblys namysyn qorǵaıtyn bolady.
О́mir Esqalı.
Derek, foto: Soltústik Qazaqstan oblystyq dene shynyqtyrý jáne sport basqarmasy.