*Basqa basylymdardan
Prezıdent Nursultan Nazarbaevtyń Máskeýge jumys sapary men Jeńis paradyna qatysýy Reseı buqaralyq aqparat quraldarynda úlken iltıpat týdyrdy
2016 jylǵy 10 mamyr. №80 (29 572)
«Bizdiń kúshimiz senimdilik pen ar-namysta»
Jeńistiń 71 jyldyǵy mereıtoılyq data emes, sondyqtan shet memleketterdiń basshylaryn Máskeýge mindetti túrde shaqyrý qarastyrylmaıdy. Biraq osy joly Reseı Prezıdentiniń janynda Qazaqstan basshysy Nursultan Nazarbaev boldy. Dostas eldiń Prezıdenti álemdik lıderlerdiń ishinde Jeńis kúnin Reseı astanasynda atap ótýge sheshim qabyldaǵan jalǵyz Memleket basshysy bolǵanyn atap ótken jón.
Reseı men Qazaqstan basshylary jaıaý áskerlerdiń ótkenin tik turyp baqylady... Munyń aldynda Reseı basshysy Qazaqstan Prezıdentin qarsy alyp, oǵan qazaqtardyń soǵystaǵy erligi týraly jazylǵan materıaldar bar soǵys jyldarynyń gazetin tapsyrdy.
Paradtan soń Vladımır Pýtın trıbýna túbinde sap túzegen parad eseptoptarynyń barlyq komandırleri men ardagerlerdi quttyqtap, óziniń rızashylyǵyn bildirdi. Nursultan Nazarbaevpen birge Reseı lıderi Aleksandrov baqshasyna bet alyp, onda olar Belgisiz soldat qabirine gúl shoqtaryn qoıdy.
2016 jylǵy 10 mamyr. №49 (26 526)
«Bul – teńdessiz eńbek jeńisi»
– Bul – eki el arasyndaǵy erekshe qarym-qatynastyń belgisi, – dedi Vladımır Pýtın Nursultan Nazarbaevpen Jeńis kúni qarsańyndaǵy kezdesýi kezinde. Al paradtyń ózinde Nazarbaev barlyq merekelik sharalarǵa qatysqan bir ǵana Memleket basshysy boldy.
– Búginde bir jarym myńnan astam zaýyttyń kóshirilip, qaıta qalpyna keltirilýi qandaı kúsh-jigerdi qajet etkenin sezinýdiń ózi qıyn, – dep jalǵastyrdy sózin Prezıdent. – Arada birneshe aı ǵana ótkende olar jumys istep, maıdanǵa tankterdi, ushaqtardy, oq-dárilerdi, basqa da áskerı tehnıkalardy úzilissiz bere bastady. Osy asa uly, teńdessiz eńbek jeńisi bizdiń armııamyzǵa jaýdy túre qýyp, búkil Eýropanyń derlik ekonomıkalyq áleýetin ózine jumys istetken basqynshyny kúl-talqan etýge múmkindik berdi.
Parad aıaqtalǵannan keıin Pýtın men Nazarbaev Qyzyl alańda parad eseptoptarynyń komandırlerine rızashylyqtaryn bildirip, sońynan Belgisiz soldattyń qabirine gúldeste qoıý úshin Aleksandrov baqshasyna bet aldy.
Jeńis kúnine arnalǵan saltanatty qabyldaýda Reseı Prezıdenti bylaı dep atap kórsetti:
– Keshe keshkisin men Qazaqstan Prezıdenti Nursultan Nazarbaevqa Uly Otan soǵysynda jasaǵan qazaq halqynyń erlikteri týraly aıtylatyn sol kezdiń gazetin úlken qanaǵat sezimimen tapsyrdym. Meımanymyzǵa zor qurmet kórseteıik. Sizge búgin bizdiń ortamyzda bolǵanyńyz úshin myń da bir rahmet.
2016 jylǵy 10 mamyr. №96 (6 966)
«Erekshe odaqtastyq qatynastyń belgisi»
Áskerı paradty Vladımır Pýtın qazaqstandyq áriptesi Nursultan Nazarbaevpen birge tamashalady.
Qazaqstan lıderiniń Jeńis kúnin Máskeýde ótkizý týraly sheshimi erekshe, odaqtastyq qarym-qatynastyń belgisi, dep baǵalady Pýtın Jeńis kúni qarsańynda Kremlde Nazarbaevpen bolǵan kezdesýi kezinde. Ol Qazaqstan Prezıdentine Uly Otan soǵysynda jasaǵan qazaq halqynyń erlikteri týraly aıtylatyn sol kezdiń gazetin tapsyrdy.
«Bul – bizdiń ortaq merekemiz», – degen Qazaqstan Prezıdenti kelesi kezekte Reseıdi úlken tabysymen – «Vostochnyı» kosmodromyndaǵy ushyrylymmen quttyqtady. «Zamanaýı kosmodrom salýdy júzege asyra alatyn memleketter búginde asa sırek bolsa kerek. Sizder muny jasadyńyzdar, sizder Reseı úshin tarıhtyń jańa paraǵyn jazdyńyzdar», – dedi tánti bolǵanyn jasyra almaǵan ol.
2016 jylǵy 10 mamyr. №94 (27 096)
«О́tkenge marapat
qana emes, bolashaqqa
qaharly eskertý de»
Jeńistiń 71 jyldyǵy merekesine oraı Máskeýge tek bir ǵana sheteldik lıder – Qazaqstan Prezıdenti Nursultan Nazarbaev keldi. Jáne bul qadamǵa Kremlde laıyqty baǵa berildi. «Bul bizdiń erekshe odaqtas qarym-qatynasymyzdyń belgisi», – dep atap kórsetti meımandy qarsy alǵan Vladımır Pýtın.
Nazarbaev Pýtınmen birge Qyzyl alańda ótken áskerı tehnıka paradyna qatysyp (Lıtvadan basqa elderdiń bárinen dıplomatııalyq mıssııa basshylary boldy), Belgisiz soldat qabirine Qazaqstannyń týyn bildiretin kógildir lentamen kómkerilgen gúl shoqtaryn qoıdy.
Jeńis kúnine arnalǵan saltanatty qabyldaýda Pýtın Nazarbaevqa sapary úshin taǵy da jurtshylyq kózinshe rızashylyq bildirdi, óıtkeni, munyń Reseı bıligi úshin shyn máninde kútpegen jáne osy sebepti eki ese jaǵymdy oqıǵa bolǵany anyq. Prezıdent meımanǵa qazaq halqynyń Uly Otan soǵysyndaǵy erlikteri týraly aıtylatyn soǵys ýaqytynyń gazetin syılaǵanyn málimdedi.
«Biz nasızmdi kópultty keńes halqy tas-talqan etip, adam aıtqysyz tamasha Jeńiske jetkenin árkez este saqtaıtyn bolamyz», – dep atap kórsetti Pýtın. Bul jerde Jeńis, Memleket basshysynyń sózinshe, ótkenge maqtaný ǵana emes, sondaı-aq, bolashaqqa qaharly eskertý de. Reseıdiń beriktigin synaǵysy keletinderge eskertý.
Sýretterdi túsirgender S.BONDARENKO, B.OTARBAEV