Jastar jáne jýrnalıstıka

Keshe Qazaqstan Respýblıkasynyń Tuńǵysh Prezıdenti — Elbasy kitaphanasynda Táýelsizdiktiń 25 jyldyǵy men Aqparat jáne baılanys qyzmetkerleri kúnine arnalǵan «Jas medıa. Aqparattyq tehnologııalar men Qazaqstan medıa salasynyń zamanaýı tujyrymdamasy» taqyrybynda forým ótti. Búgingi tańda jýrnalıstıka salasyna qulshynys tanytyp keletin jastarǵa qoldaý kórsetý jáne olardyń qoǵam arasyn­da aqparat almasý júıesin damy­týǵa úles qosý, sondaı-aq, aqpa­rat­tyq tehnologııalardy damytý jáne IT-mamandyqtardyń bedelin arttyryp BAQ jáne baspasóz qyzmetteriniń bilik­tiligin kóterý maqsaty kó­z­delgen forýmdy «Press-sentr Azııa» qoǵamdyq qory men «Samruk-Kazyna Trust» áleý­mettik jobalardy damytý qory uıymdastyrdy. Sonymen qatar, Qazaqstan Jastar kongresiniń qatysýy­men ótken is-sharada jas jýr­nalıs­ter­diń kadrlyq áleýetin arttyrý, oqıǵalardy halyqqa obek­tıvti ári sapaly jetkizý taqy­ryptary jan-jaqty qam­tyldy. Bul rette sóz al­ǵan Bilim jáne ǵylym mı­nıstri Erlan Saǵadıev jalpy alǵan­da, elimizdiń jastaryna mol úmit artatynyn jáne osyn­da bola­shaq mınıstrler men medıa basshylary otyrǵanyna sene­ti­nin jetkizdi. Búgin­gi kún­niń bilim salasyndaǵy ózek­ti taqyrypqa aınalǵan úshtildi­lik máselesine toqtalǵan ol, osy másele kóterilse bolǵany, jurt­­shylyqtyń birinshi kezekte aǵyl­shyn tilin oıǵa alatynyn aıtty. Bul rette ol úshtildilik – eń birinshi qazaq tili týraly baǵdarlama ekendigin eskerte otyryp, áýelgide qazaq tiline mán berilýi tıistigin nazarǵa aldy. Onyń aıtýyna qaraǵanda, qazaq tiliniń jaǵdaıy qazirgi tańda jaman emes, ıaǵnı búginde oqý­shylardyń 70 paıyzy qazaq tilin­de oqıdy. Oǵan dálel, kúni keshe ótken Ulttyq biryńǵaı testileýdi 72 paıyzǵa jýyq oqý­shy qazaq tilinde tapsyrǵan. Degenmen, orys mektepterin­de oqıtyn 500 myń balanyń qazaq­sha sóılemeıtindigi basty máse­lelerdiń biri ekendigin aıta kele, mınıstrlik aldynda aldaǵy 3-4 jylda osy balalardy qazaq­sha sóıletý mindeti turǵandyǵyn kóldeneń tartty. «Túsinikti jaǵ­daı. Ádisteme durys emes. Eń aldymen durys ádisteme jasaý kerek. Birneshe zııatkerlik ıns­tıtýt birlesip osy baǵytta jumys­tar júrgizip jatyr. Jańa ádisteme daıyn bolsa, 2017 jyldan bastap orys mektepterinde qazaq tilinde ótetin sabaqtar ózgere bastaıdy. Zamanaýı ǵylymı negizde jasalǵan, kompıýterlik modeldeýden ótken, alty aıda til úıretetin ádisteme jasap jatyrmyz. Úsh jyldyń ishinde balalardyń barlyǵy qazaqsha sóıleıdi. Men oǵan senip otyr­myn», dedi mınıstr óz sózinde. Sondaı-aq, álemde eki tilde birdeı oılaıtyn jastary bar eldiń az ekendigin, osy oraıda eki tildi erkin meńgergen aza­mattardyń basqa da tilderdi bilýi tipti ońaı bolatynyn atap aıtty. Kórshi eldermen salystyryp kórińiz, kimder bar orys tilin minsiz sóıleıtin? Biz osy jerde ult retinde qanshalyqty erekshe ekendigimizdi, tildi tez ýaqytta meńgerýde qazaqtardyń qabiletin bilemiz.Tek durys ádisteme men oqytý júıesin jandandyrý qajet», dedi mınıstr. Elmıra MÁTIBAEVA, «Egemen Qazaqstan»