Týrasyn aıtsaq Asylzat aqyn oqyrmandaryna mahabbat taqyrybyndaǵy lırıkalarymen tanys. Shara barysynda júrek túkpirinen sezim qylyn shertip týǵan jyrlar az oqylǵan joq. Avtor «Muńnyń qoıý boıaýyn malyp alyp...», «Sizdi oılasam ketem nege órekpip», «Shyr aınalǵan baqytty sátterimde» degen óleńderimen qatar, «Siz ǵana...», «Men sizdi kúlip qarsy alǵym kelgen» syndy jańa týyndylaryn da oqydy.
Kópshilik patrıottyq taqyryptaǵy shyǵarmalardan da sýsyndady. Qazaqtyń sońǵy hanyna arnalǵan «Bas», «Kenesarynyń arýaǵyna muń shaǵý», «Kenesary jáne men» atty sıkl óleńderi men «Ata» uǵymy týraly aq óleń», «Qas saq astanasy týraly áfsana» degen dúnıeleri erekshe rýh syılady.
«Ər oqyrmanym men tyńdarmanym osy keshte oqylǵan óleńderimnen ózin tapsa, maqsatyma jetkenim. Astana tórinde tuńǵysh ret ótken keshime elorda əkimdigi men Mədenıet basqarmasynyń qoldaý kórsetkenin aıtqym keledi. aınalamda júrgen qarapaıym dostarymnyń kómegi ólsheýsiz. Sondyqtan barlyǵyna shyn peıilimmen alǵysymdy aıtamyn», dedi basqosýda Asylzat Arystanbek.
Keshte avtordyń «Siz ǵana...» dep atalatyn jańa kitaby kópshilikke tanystyryldy. «Bul – lırıkalyq keıipkerden asyp, óz keıipkerin tapqan aqyn qyzdyń batyl qadamy dep uǵyńyz», degen bolatyn avtor týyndysy jaıynda.
Ashat Raıqul,
«Egemen Qazaqstan»
