«Jańa Salyq kodeksi qabyldandy. Aǵymdaǵy jyldyń 1 qańtarynan bastap jańa Salyq kodeksi qoldanylady. Bul Salyq kodeksiniń úshinshisi. Alǵashqy kodeks 2001 jyly qabyldandy. Ekinshisi 8 jyldan keıin, ıaǵnı 2009 jyly, al 9 jyldan keıin jańa Salyq kodeksi kúshine endi. Onda qandaı ózgeris bar jáne aldyńǵy eki kodeksten aıyrmashylyǵy qandaı? Birinshi kodekste normalar júıelendi, ekinshisi salyqtyq júktemeni tómendetti, úshinshi kodekstiń mindeti ıdeologııany ózgertý jáne jeńildetý bolyp tabylady. Jalpy alǵanda, jańa Salyq kodeksi ıdeologııany ózgertýdi, yntalandyrýdy engizýdi jáne ákimshilendirýdi jeńildetýdi kózdeıdi. Sonymen qatar salyq tóleýshilerdi qorǵaýǵa baǵyttalǵan, ekonomıkanyń túrli salalaryn yntalandyrýǵa, ákimshilendirýdi jeńildetýge jáne de salyqty óz betinshe tóleýge yqpal etedi. Mysaly, eger kólik urlansa, ıesi kólik salyǵyn tóleýdi jalǵastyrmaıdy. Izdeýler uzaq ýaqytqa sozylady, bir jyl jáne eki nemese odan da kóp. Buǵan deıin ıesi tirkelimnen shyǵarylǵanǵa deıin salyqty tóledi, endi ol qajet emes. Jyljymaıtyn múlik salyǵy, jer salyǵy endi jyldyń aıaǵynda tólenýi tıis. Mysalǵa, 2017 jylǵy salyqty 2018 jyldyń 1 qazanyna deıin tóleýge týra keledi», dedi Rýslan Dálenov.
Sonymen qatar ol jańa ıdeologııa, yntalandyrýlar men ákimshilendirýdiń jańa ádisteri sapaly jaqsartýlardyń negizin qalyptastyratynyn alǵa tartty.
«Salyqtyq jańashyldyqty engizý arqyly salyqtyq daýlar azaıady, tekserýlerdiń sany tómendeıdi, ákimshilendirý jeńildeıdi. Shıkizat óńdeý yntalandyrýǵa ıe bolady, nesıeleýge qoldaý jasalady, AО́K jáne ShOB qolaıly rejimge ıe bolady. Salyqtyq saıasat tutas alǵanda aıqyn ári túsinikti bolady», dedi R.Dálenov.
Raýan QAIDAR,
«Egemen Qazaqstan»
