Kıevtegi kardıologııalyq ortalyqta

Sársenbi, 13 aqpan 2013 7:07

Qazaqstannyń Ýkraınadaǵy elshisi Zaýytbek Turysbekov Kıevtegi Balalar kardıologııasy men kardıohırýrgııasy ǵylymı-praktıkalyq medısınalyq or­talyǵynda boldy. Bul ortalyq osy saladaǵy kóshbasshy ujymdarynyń biri ári Ýkraınanyń birden-bir mamandandyrylǵan medısınalyq mekemesi bolyp tabylady. Balalar kardıologııasy ortalyǵy Ýkraına azamattarymen birge, basqa da kóptegen elderden, sonyń ishinde Qazaqstan, Moldova, Belarýs, Ázerbaıjan, Qyrǵyzstan, Reseı, О́zbekstan memleketterinen kelgen pasıentterdi júıeli emdep, operasııa jasap keledi.

Sársenbi, 13 aqpan 2013 7:07

Qazaqstannyń Ýkraınadaǵy elshisi Zaýytbek Turysbekov Kıevtegi Balalar kardıologııasy men kardıohırýrgııasy ǵylymı-praktıkalyq medısınalyq or­talyǵynda boldy. Bul ortalyq osy saladaǵy kóshbasshy ujymdarynyń biri ári Ýkraınanyń birden-bir mamandandyrylǵan medısınalyq mekemesi bolyp tabylady. Balalar kardıologııasy ortalyǵy Ýkraına azamattarymen birge, basqa da kóptegen elderden, sonyń ishinde Qazaqstan, Moldova, Belarýs, Ázerbaıjan, Qyrǵyzstan, Reseı, О́zbekstan memleketterinen kelgen pasıentterdi júıeli emdep, operasııa jasap keledi.

Elshi Z.Turysbekov osy or­talyqtyń basshysy, belgili kardıohırýrg, medısına ǵylym­­­da­ry­nyń doktory, Ýkraı­­­nanyń eń­b­ek sińirgen dárigeri, Qazaqstan dostary klýbynyń múshesi Ilıa Emespen kezdesti. Áńgime barysynda Balalar kardıologııasy men kardıohırýrgııasy ortalyǵy jáne Qazaqstan dárigerleri arasyndaǵy áriptestikti tereńdetý jaıy tal­qylandy. I.Emes klınıka ma­mandarynyń joǵary kásibı áleýeti jóninde aıta kelip, orta­lyqtyń materıaldyq-tehnıkalyq jaraqtandyrylýyn jáne qazirgi zamanǵy qural-jabdyqtardyń múmkindigi qandaı ekendigin kór­setti. Sondaı-aq, Almaty qalasyndaǵy Pedıatrııa jáne ba­lalar hırýrgııasy ǵylymı ortalyǵymen baılanystyń jyl­dan jylǵa nyǵaıyp kele jatqanyn tilge tıek etti.

О́z kezeginde Elshi Memleket basshysy N.Á.Nazarbaevtyń Qazaq­stan halqyna arnaǵan «Qa­zaqstan-2050» Strategııasy – qalyptasqan memlekettiń jańa saıası baǵyty» Joldaýynda alǵa qoıǵan mindetter jaıynda keńinen áńgimeledi. Elbasynyń Astana qalasynda medısınalyq klaster qurý bastamasyna erekshe nazar aýdaryp, I.Emesti jáne klınıka dárigerlerin tájirıbe almasý, kóshpeli operasııalar jasaý maqsatynda elordaǵa kelýge shaqyrdy, ýkraınalyq ortalyqtyń bazasynda qazaqstandyq kardıolog dárigerlerdiń biliktiligin arttyrý jónindegi yntymaqtastyqty jandandyrýdy usyndy.

Osy ortalyqta Qazaqstannan kelgen bes jasar qyz emdelip jatyr. Buǵan deıin onyń týa bitken kúrdeli júrek aqaýyna álemniń keıbir klınıkalary operasııa jasaýdan bas tartqan soń, atalǵan ýkraınalyq kardıologııa ortalyǵy dırektorynyń orynbasary, jetekshi hırýrg A.D.Bablıak operasııaǵa táýekel etken-di. Qazir dárigerler balanyń ómiri men densaýlyǵyna alańdap otyrǵan joq, taıaý kúnderi ony jansaqtaý bóliminen jalpy bólimge aýys­tyrmaq. Qazaqstan elshisi Z.Tu­rys­bekov dárigerlermen, bala­nyń anasymen sóılesip, jas qazaqstandyqtyń densaýlyq jaǵdaıyn surap bildi. Balanyń anasy qamqorlyq jasaǵandary úshin Kardıologııalyq ortalyq ujymyna, Qazaqstan dıplo­mat­taryna jáne operasııa jasaýǵa qarjylaı kómek kórset­ken Olımpıada chempıony A.Vıno­kýrovqa sheksiz alǵysyn bildirdi.

Serik ShALQAR.

ÝKRAINA.