Bul – adamdy shırata túsetin qadam

Beısenbi, 18 sáýir 2013 2:18

Áıelderdiń zeınet jasyn ulǵaıtý, birinshiden, eńbek etip júrgen adamdy shırata túsetin qadam dep sanaımyn. Olaı deıtinim, keshe ǵana eńbek etip, ózin shama-sharqynsha kútip júrgen jandar zeınetkerlikke shyǵysymen kúrt shaý tartyp kete­tindigin kúndelikti ómirde kórip júrmiz. Ekinshiden, turaqty eńbekaqy tólenedi. Bul – kúndelikti ómirde naqtyly áreketti josparlaýǵa mem­lekettik kepil.

Beısenbi, 18 sáýir 2013 2:18

Áıelderdiń zeınet jasyn ulǵaıtý, birinshiden, eńbek etip júrgen adamdy shırata túsetin qadam dep sanaımyn. Olaı deıtinim, keshe ǵana eńbek etip, ózin shama-sharqynsha kútip júrgen jandar zeınetkerlikke shyǵysymen kúrt shaý tartyp kete­tindigin kúndelikti ómirde kórip júrmiz. Ekinshiden, turaqty eńbekaqy tólenedi. Bul – kúndelikti ómirde naqtyly áreketti josparlaýǵa mem­lekettik kepil.

Qudaıǵa shúkir, úlken qyzym turmysqa shyǵyp, eki nemere súıgizip otyr. Taǵdyrdyń jazýy shyǵar, ekinshi qyzym bala kúninen múgedek bolyp qaldy. Úshinshi qyzym joǵary oqý ornynda, kenjemiz mektepte oqıdy. Jubaıym jıhaz jasap, adal eńbegimen bala-shaǵa nápaqasyn tabýda. Sondyqtan aılyq jalaqyǵa qarap otyrǵan jandardyń biri bolǵandyqtan, zeınetaqy júıesin jańǵyrtýdy qoldaımyn.
Taldyqorǵan qalasynda orna­lasqan oblystyq balalardy ońaltý orta­lyǵynda kir kıimderdi jýýshy bolyp tabatyn jalaqym balalarymnyń bir qajettiligin ótegende qýanyp qalamyn. Sol qýanyshty uzarta túsýge jasalǵan qadamdy qalaı qol­­damaımyn. Qoldaımyn. Aılyq taby­symnyń zańnamamen belgilengen paıyzy zeınetaqy qoryna aýdarylyp, bolashaqqa degen senimimdi týǵyzǵan saıyn qudaıǵa táýbeshilik aıtyp, neǵurlym uzaǵyraq jumys istesek solǵurlym ósimi mol bolatynyn da bilemiz. Qarapaıym eńbek adamy retinde zeınetaqy júıesin jańǵyrtýdy qoldaıtynymnyń bir sebebi osy.

Sáýle Satybaldınova,
Almaty oblystyq balalardy ońaltý ortalyǵynyń jumysshysy.