Alyptyń jańa tynysy ashylady
Juma, 17 mamyr 2013 2:30
Buryn Atyraý munaı óńdeý zaýytynda alǵash ret Japonııanyń «Marýbenı Korporeıshn» kompanııasy qaıta jańǵyrtý jobasyn iske asyrǵan edi. Endi atalǵan zaýytta Qytaıdyń «SINOPEC Engineering» kompanııasy hosh ıisti kómirsýtekter shyǵaratyn keshen qurylysyn qolǵa aldy. Bul joba qurylysy bastalmas buryn, ıaǵnı 2009 jylǵy qazanda AtMО́Z jáne «SINOPEC Engineering» kompanııasynyń basshylary ózara shartqa qol qoıdy. Joba boıynsha jańa keshenge salynatyn ınvestısııalyq qarjynyń kólemi 1 mıllıard 40 mıllıon AQSh dollaryn quraıdy.
Juma, 17 mamyr 2013 2:30
Buryn Atyraý munaı óńdeý zaýytynda alǵash ret Japonııanyń «Marýbenı Korporeıshn» kompanııasy qaıta jańǵyrtý jobasyn iske asyrǵan edi. Endi atalǵan zaýytta Qytaıdyń «SINOPEC Engineering» kompanııasy hosh ıisti kómirsýtekter shyǵaratyn keshen qurylysyn qolǵa aldy. Bul joba qurylysy bastalmas buryn, ıaǵnı 2009 jylǵy qazanda AtMО́Z jáne «SINOPEC Engineering» kompanııasynyń basshylary ózara shartqa qol qoıdy. Joba boıynsha jańa keshenge salynatyn ınvestısııalyq qarjynyń kólemi 1 mıllıard 40 mıllıon AQSh dollaryn quraıdy.
Qazir zaýyt aýmaǵyndaǵy 17 qurylys alańynda qaınaǵan eńbektiń kórigi qyza tústi. Osynsha alańdaǵy qurylys-montaj jumystarynyń bas merdigeri tarapynan zaýytqa qajetti iri kólemdi, sonymen birge, qosalqy jabdyqtardy jetkizý bastaldy. Taıaýda qytaılyq «SINOPEC Engineering» kompanııasy zaýytqa S602 A/V modýlynyń eki kolonnasyn ákeldi. Ár kolonnanyń salmaǵy 292 tonna tartady. Munaı óńdeý zaýytynyń baspasóz qyzmeti habarlaǵandaı, modýldyń kolonnalary Qytaıda daıyndalyp, Shanhaı portynan Marıýpol jáne Aqtaý porttary arqyly Atyraýǵa jetkizilipti. Al Atyraý ózen portynan qos kolonnany munaı óńdeý zaýytyna deıin jetkizý 4 saǵatqa jýyq ýaqytty alǵan.
Eń iri kólemdi sanalatyn kolonnalardy tasymaldaýǵa eki kólik ekspedısııasy, sondaı-aq, qosalqy merdigerdiń biri «Saga Termınal Logıstık» kásiporny tartyldy. Endi zaýyt mamandarynyń aıtýynsha, bas merdiger kompanııa taıaýda taǵy da osyndaı eki kolonna ákelýdi kózdepti. Biraq kelesi kolonnalar bólshektelgen kúıinde jetkizilip, olardy zaýyttyń qurylys alańdarynda qurastyrý qolǵa alynady eken. Al salmaǵy alǵashqy kolonnalardan áldeqaıda kóp bolatyny kútilýde. Osylaısha, elimizdiń «qara altyn» óńdeý salasyndaǵy kóshbasshy kásipornyna sony serpin beretin jańǵyrtý jumystary qarqyn alǵaly otyr. Aıtqandaı, Qytaıdan jetkizilgen iri kólemdi modýldy zaýyttyń alańynda qurastyrý 20 mamyrdan keıin bastalmaq.
Joldasbek ShО́PEǴUL,
«Egemen Qazaqstan».
Atyraý oblysy.
—————————————
Sýrette: Qytaıda qurastyrylǵan alyp kolonnalardy tasymaldaý sáti.
