Jańa baǵyttyń qozǵaýshy kúshi – jastar
Juma, 4 qańtar 2013 7:45
Elbasy tarapynan erkin eldiń erteńi ispettes keıingi tolqynnyń bilim alýy men azamat bolyp qalyptasýyna jasalyp otyrǵan qamqorlyq sheksiz. Árıne, buǵan tek tereń bilim, eseli eńbekpen ǵana jaýap berý qajet dep esepteımiz. Qandaı qamqorlyqtyń da qaıtarymy bolýy qajet. Eger bizder, jastar ókilderi – oqý men eńbekte belgili bir tabystar men nátıjelerge jetsek – qaıtarym degenimiz de osy bolyp shyǵar edi. Zamandastarymyzdyń jeke bastamashyldyq ónegeleri de osy arnaǵa qosylsa, artylǵan senim aqtalary anyq.
Juma, 4 qańtar 2013 7:45
Elbasy tarapynan erkin eldiń erteńi ispettes keıingi tolqynnyń bilim alýy men azamat bolyp qalyptasýyna jasalyp otyrǵan qamqorlyq sheksiz. Árıne, buǵan tek tereń bilim, eseli eńbekpen ǵana jaýap berý qajet dep esepteımiz. Qandaı qamqorlyqtyń da qaıtarymy bolýy qajet. Eger bizder, jastar ókilderi – oqý men eńbekte belgili bir tabystar men nátıjelerge jetsek – qaıtarym degenimiz de osy bolyp shyǵar edi. Zamandastarymyzdyń jeke bastamashyldyq ónegeleri de osy arnaǵa qosylsa, artylǵan senim aqtalary anyq.
«Qazaqstan-2050» Strategııasy urpaqtar sabaqtastyǵynyń jańa da jarqyn betterin ashatyny belgili bolyp otyr. Elbasynyń aǵa, ortańǵy jáne keıingi býyn ókilderine sóz arnaýy osy pikirimizdiń dáleli. Sabaqtastyq degenimiz – jáı ǵana aıtyla salar sóz emes. Onyń dál anyqtamasyn osy kezge deıin Elbasynyń ózinen asyryp aıtqan eshkim joq. Bul óz kezeginde babalarymyzdyń erkindik pen egemendikke jetý jolyndaǵy asqan erligi, búgingi býynnyń eren isteri jáne jas urpaqtyń jasampazdyǵy degen uǵym eken. Máńgilik el bolýymyzdyń basy da osy úsh taǵannan bastalatynyn Elbasymyz shegelep atap kórsetti.
Qoǵam músheleriniń baqytty ómir súrýi men turmys keshýiniń ólshemderi qandaı? Osyndaı ólshem bar ma, ózi? Biz bar dep sanaımyz. Mundaı nyq ta, berik baılamǵa kelýimizge respýblıka Prezıdenti Nursultan Nazarbaevtyń keshegi keıingi tolqyn jastarǵa arnap sóılegen sózi yqpalyn tıgizdi dep bilemin. Bizdiń oıymyzsha mundaı baqyt Elbasy atap kórsetkendeı, táýelsiz elde týyp, táýelsiz elde tárbıe alý dep oı qoryta alamyz. Mine, dál osyndaı baqyt bizdiń býynǵa buıyrypty.
Qol jetpes qııannan bıik te tyń maqsattarǵa jetetin qudyretti kúsh – jastardyń azat oıy men kemel bilimi dep tujyrym jasady Elbasy. Osyndaı bıik óreden kórinýge umtylsaq – urpaqtar sabaqtastyǵynyń ǵumyry da uzaq, máńgilik bolyp qala beretini haq.
Serik MOLDAǴALIEV,
Batys Qazaqstan oblysynyń jastar saıasaty
máseleleri basqarmasynyń bastyǵy.
ORAL.
