Bul ıdeıany júzege asyrý úshin Qazaqstannyń ekologııalyq uıymdarynyń qaýymdastyǵy shilde aıynyń basynda Nur-Sultan ákimdiginiń qoldaýymen elorda turǵyndary men qonaqtary arasynda polıetılen paketterin jınaýdy bastaǵan edi. Bir kúnde qalanyń úsh saıabaǵynan Qazaqstannyń ekologııalyq uıymdary qaýymdastyǵy ákimdiktiń qoldaýymen 4000-nan astam paket jınady. Sondaı-aq Zeta dúkenderinde ornatylǵan ekobokstardan taǵy 1500 paket alyndy. Shara «Stopmusor» áleýmettik jobasy aıasynda ótti.
– Kartına adamdar men elordanyń burynǵy aýdandarynyń biri týraly syr shertedi. Qazaq dalasynyń qalaǵa qalaı aınalǵany jaıly. Bul jumys saıyn daladan ǵana kórýge bolatyn sheksiz úlken aspan týraly. Qınalǵan kezde úmit otyn jaǵatyn keńistikti kórsetkim keldi. Ekologııa áleýmettik problemalarmen tyǵyz baılanysta. Adamdardy kinálaý ońaı, biraq munyń artynda árdaıym qala soǵýdyń sheshilmegen máseleleri turady, – deıdi S.Súleımenova.
Shyǵarmashyl jan osy týyndy arqyly azamattarǵa ekologııalyq máseleler týraly oı salyp, plastıkten túpkilikti bas tartýǵa úndeıdi.
Sýrette astanadaǵy Jaǵalaý aýdanynyń keshegi kúni beınelengen. Sýretshi bul jerdi qala men dalanyń shekarasy retinde tańdap alǵan. Ol osyǵan deıin «Berlın aspany» degen týyndysyn jasaǵan bolatyn. «Men úshin aspan – úmit pen qoldaý», deıdi ózi.
Barshaǵa málim, Sáýle Súleımenova úıdegi «pakettegi paket» máselelerin sheshý maqsatynda polıetılen paketterimen jumys isteıtin sanaýly sýretshiniń biri. Sondyqtan da onyń qolynan shyqqan óner týyndylary eldiń esinde qalyp qoıady.
«Qoqys bizdiń ómirimizdiń ajyramas bóligine aınaldy. Men túrli tústi anyq berý úshin ártúrli polıetılen paketin qoldanamyn. Men boıamaımyn, salmaımyn, paketterdi tek túsi men reńine qaraı tańdaımyn, barlyq tústi osy plastıkalyq qoqystan tabýǵa bolady», deıdi sýretshi.
«StopMusor» jobasy halyqtyń saýattylyǵy men áleýmettik jaýapkershiligin arttyrýǵa, sondaı-aq azamattar arasynda turmystyq qaldyqtardy kádege jaratý mádenıetin tárbıeleýge baǵyttalǵan.
Kólemi 5-te 3 metrlik sýret «Jetisý» saıabaǵyndaǵy «Sharyn shatqaly» jartasynyń aldynda ornalasqan.
