Aımaqtar • 17 Aqpan, 2021

Jambyl oblysynda kóktemde 38 eldimekendi sý basý qaýpi bar

200 ret

kórsetildi

1 mın

oqý úshin

Jambyl oblysyndaǵy eldimekender men sharýashylyq nysandaryn sý basý qaýpi Shý, Talas jáne Asa ózenderindegi sý deńgeıiniń kóterilýi saldarynan bolýy múmkin. Sondaı-aq, taý bókterindegi erigen qar jáne jańbyr sýlary da halyq shoǵyrlanǵan aýyldarǵa qaýipti. Jambyl oblystyq tótenshe jaǵdaılar departamenti bastyǵynyń orynbasary Eraly Aqylbekovtiń aıtýynsha, óńirde kóktemgi mezgilde sý basýy múmkin 38 eldimeken bar eken. Olar sý qoımalaryndaǵy sý deńgeıiniń kóterilýinen jáne taý bókterinde erigen qar sýy nemese nóserli jańbyr sebebinen bolmaq.

Hamıt ESAMAN

«Oblys kóleminde 156 gıdrotehnıkalyq qurylys nysandary ornalasqan. Onyń ishinde respýblıkalyq menshikte 41, jeke menshikte 9 nysan bar. «2017-2020 jyldarǵa arnalǵan sý tasqynynyń aldyn alý jáne joıý jónindegi is-sharalar kesheni» Jol kartasyna sáıkes júrgizilgen jumystar nátıjesinde 6 eldimekende sý basý qaýpi tómendedi. Olardyń qatarynda Jambyl aýdanynyń Jasórken, Qyzylqaınar, Baızaq aýdanynyń Sarykemer, «Densaýlyq» saıajaıy, Talas aýdanynyń Aqkól jáne Úsharal aýyldary bar», dedi Eraly Aqylbekov. Sonymen qatar, Taraz qalasyndaǵy, Jambyl jáne Baızaq aýdandaryndaǵy eldimekenderinde sý basý qaýpiniń aldyn alý úshin Talas ózeninde jaǵalaýdy nyǵaıtý jumystaryn júrgizýge respýblıkalyq bıýdjetten qarajat bólinbeýine baılanysty oryndalmaǵan. Onyń jalpy uzyndyǵy 25,4 shaqyrymdy quraıdy. Sondaı-aq, jaǵalaýdy jóndeý jumystary «2021-2023 jyldarǵa arnalǵan sý tasqynynyń aldyn alý jáne joıý jónindegi sharalar kesheni» Jol kartasyna engizilgen.