Vızalyq tártip jeńildetiledi

Qazaqstannyń Ortalyq kommýnıkasııalar qyzmetinde Syrtqy ister mınıstriniń birinshi orynbasary Rápil Joshybaevtyń qatysýymen brıfıng ótti. R. Joshybaev Qazaqstannyń týrıstik áleýetin kóterý, vızasyz qarym-qatynas aıasyn keńeıtý, sol arqyly shetelden ınvestısııa tartýǵa baǵyttalǵan qolaıly vızalyq saıasat qalyptastyrý, sondaı-aq, vızalyq jáne kóshi-qon saıasatyn jetildirý – vedomstvonyń negizgi mindetteriniń biri ekenin jetkizdi. «О́zderińiz biletindeı, Memleket basshysy Nursultan Nazarbaev bıylǵy jyldyń 12 maýsymynda Prezıdent janyndaǵy Shetel ınvestorlary keńesinde 10 memlekettiń azamattary úshin vızasyz tártip júıesi ornatylatynyn málimdegen bolatyn. Bul jańalyq búginde keńinen talqylanýda. О́ıtkeni, sheteldik ınvestorlar men týrısterdi tartý saıasaty aıasynda qolǵa alynǵan bul sharany elimizdiń birden-bir alǵa umtylysy retinde qaraýǵa bolady. Atalǵan tapsyrmany oryndaý úshin tıisti zań jobasy ázirlendi. Ol boıynsha 10 eldiń azamattary belgili bir merzim ishinde memlekettik shekarany kesip ótken kúnnen bastap 15 kúntizbelik kúnge deıin vızalyq talap etýden bosatylatyn bolady. Jalpy alǵanda, Memleket basshysy men Qazaqstan Úkimetiniń «Jańa Jibek jolyn» qaıta jandandyrý baǵytyndaǵy bastamalaryn júzege asyrýdyń negizinde jaǵymdy ári tıimdi ınvestısııalyq klımat qalyptastyrý júrip jatyr. Máselen, qazirgi tańda Qazaqstannyń óz ekonomıkasyna sheteldik kapıtaldy engizý mólsheri jóninen kóshbasshy elderdiń biri ekeni belgili. Elimizge 2005 jáne 2013 jyldar aralyǵynda 183,9 mlrd. AQSh dollary kóleminde tikeleı shetel ınvestısııalary tartylǵan. Demek, memlekettiń ekonomıkalyq áleýetin barynsha tıimdi paıdalanýdy vızalyq rejimsiz elestetý áste múmkin emes. Bul oraıda, shetel ınvestorlary úshin tıimdi vızalyq rejimdi qalyptastyrý – bul baǵytta jolǵa qoıylýy tıis basty sharalardyń biri», – dedi Syrtqy ister mınıstriniń birinshi orynbasary. О́z sózinde R.Joshybaev jınalǵandardy azamattardyń barys-kelis sharttaryn jeńildetýge baǵyttalǵan sharalar keshenimen tanystyryp ótti. Syrtqy ister mınıstriniń birinshi orynbasarynyń aıtýynsha, Qazaqstannyń Syrtqy ister mınıstrliginiń aldynda turǵan basty mindetterdiń biri jaǵymdy ári tıimdi vızalyq saıasat qalyp­tastyrý, al bul óz kezeginde eldiń týrıs­tik áleýetin kóterý jáne sheteldik ınvestı­sııa­nyń tartymdylyǵyn arttyrý úshin qajet. «Máselen, 2004 jyldyń aqpan aıynan beri Qazaqstan birjaqty tártippen EO-ǵa múshe 28 eldiń azamattary úshin vıza resimdeýdiń ońaılatylǵan prosedýrasyn engizdi. 2012 jyly bul tizim álemniń saıası turaqty jáne ekonomıkalyq damyǵan 48 eline deıin tolyǵyp úlgerdi», – dedi R. Joshybaev. Sonymen, AQSh, Ulybrıtanııa, Ger­manııa, Fransııa, Italııa, Malaızııa, Nı­der­land, Birikken Arab Ámirlikter, Koreıa Respýblıkasy jáne Japonııa elderiniń azamattary 2014 jylǵy 15 shilde men 2015 jylǵy 15 shilde aralyǵynda memlekettik shekaradan ótý kezinde 15 kúnge deıin vızalyq talaptardan bosatylatyny belgili boldy. Bul bastama ekijaqty baılanystardy nyǵaıtýǵa, áleýetti ınvestorlar men sheteldik isker tulǵalarǵa jaıly jaǵdaı jasaýǵa, sondaı-aq, elimizge týrısterdi kóptep shaqyrýǵa baǵyttalyp otyr eken. Iаǵnı, vızasyz rejim elimizge qysqa merzimmen, máselen, ınvestısııalyq kelisimsharttardy jasaýǵa, týǵan-týystary men jaqyndaryna, Qazaqstannyń mádenıetimen, tarıhı jáne tabıǵı jerlerimen tanysý maqsatynda keletin 10 eldiń barlyq azamattaryna tikeleı qatysty bolmaq. Syrtqy ister mınıstriniń birinshi orynbasary, sondaı-aq, sheteldikter úshin elimizde elektrondy vızalar berý kózdel­genin atap ótti. «Qazaqstan aýmaǵyna kele­tin sheteldikter úshin elektrondy vızalar berý qarastyrylǵan. Bul kelýshilerdiń qujattaryn retteýde jyldamdyq pen sapaly qyzmet úshin óte tıimdi. Sonymen qatar, qazaqstandyq vızanyń berilýi de ońaılaı túspek», – dedi bul oraıda R.Joshybaev. Ol óz sózinde elektrondy vızanyń berilý sebepterine de toqtalyp ótti. «Elimizdiń Syrt­qy ister mınıstrliginiń bastamasy boıyn­sha vızalardyń birneshe túri engizi­ledi. Bul bastama ekijaqty baılanystardy nyǵaıtýǵa, áleýetti ınvestorlar men sheteldik isker tulǵalarǵa jaıly jaǵdaı jasaýǵa, sondaı-aq, elimizge týrıster shaqyrýǵa baǵyttalyp otyr. Bul óz kezeginde Qazaqstanǵa týrızm salasyn belsendi damytýǵa múmkindik beredi, shaǵyn jáne orta bıznesti jandandyrýǵa, jańa jumys oryndaryn qurýǵa, el bıýdjetin toltyrýǵa mýltıplıkatıvti áserin tıgizedi», – dedi ol. Rápil Joshybaev vızalyq rejimge qa­tysty erejeler tizbesinde birqatar jańa­lyqtar da joq emes ekenin aıtyp ótti. Máselen, Qazaqstanǵa óz otbasymen kelgisi keletin sheteldik ınvestorlarǵa jaqsy jaǵdaı jasaý úshin ınvestorlyq vızanyń ózgeshe kategorııalary qarastyrylypty. «Kásibı biliktiligi bar sheteldik jumysshy mıgrasııasy úshin de tıimdi jaǵdaı kózdelgen. Qazirgi tańda, bul erejeler jobasy elimizdiń osy máselege tikeleı quzyreti bar organdarymen kelisilýde. Jalpy alǵanda, bul sharalardyń barlyǵy tek sheteldik azamattar úshin ǵana emes, bizdiń shetelge shyǵatyn azamattarymyzdyń vıza alýyn jeńildetý úshin de jasalyp otyrǵanyn atap ótken jón», – dedi sóziniń sońynda Syrtqy ister mınıstriniń birinshi orynbasary. Láıla EDILQYZY, «Egemen Qazaqstan».