Oblys ákimdiginiń qoldaýymen ótken jyr dodasynda pavlodarlyq Aspanbek Shuǵataev pen jýalylyq Qanat Myrzahan bastaǵan júırikter tamasha aıtys kórsetip, ulttyq ónerge shólirkep kelgen jyrsúıer qaýymnyń aıyzyn qandyrdy. Jambyldyq Darhan Ábdimanat, Altynkúl Qasymbekovalar da shyraıly shýmaqtarymen daralana bilgenin aıta ketken jón.
Jyr dodasynda shymyr shýmaqtarymen kózge túsken Qanat Myrzahan bas júldege laıyq dep tanylyp, 1,5 mıllıon teńgege ıe boldy. Pavlodarlyq aqyn Aspanbek Shuǵataevqa júldeli birinshi oryn (1 mıllıon teńge) buıyrsa, jambyldyq jas talant Darhan Ábdimanat ekinshi oryn ıegeri atandy. Júldeli úshinshi oryn Altynkúl Qasymbekova men belgili aıtysker aqyn Ásem Erejeqyzyna buıyrdy.
Respýblıkalyq aıtysqa qatysqan aqyndardyń barlyǵy eleýsiz qalǵan joq. Kórermenderdiń kóńilin tapqan oraldyq aıtysker Meıirman Shákenov sybaılas jemqorlyqqa qarsy is-qımyl departamenti taǵaıyndaǵan arnaıy júldege ıe bolsa, jyr dodasynda óner kórsetken ózge aqyndarǵa arnaıy Alǵyshat pen 200 myń teńgeniń sertıfıkaty tabystaldy.
Birneshe jyl boıy uıymdastyrylyp kele jatqan «Jambyl – meniń jaı atym, halyq – meniń shyn atym» atty respýblıkalyq aqyndar aıtysynda jas talant Qanat Myrzahan tamasha ónerimen daralanyp júr. Ol osy jyldy qosa eseptegende dástúrli jyr dodasynda tórtinshi ret jeńimpaz atandy.
Taraz
