Sezdegi serpilis – senimge sebep

Keshe Astana ýaqytymen saǵat 11-den 18-mınýt ketkende, bizdiń ınternet-saıt tilshisi «Astanadaǵy Táýelsizdik saraıynda Elbasy – «Nur Otan» partııasynyń Tóraǵasy Nursultan Nazarbaevtyń tóraǵalyǵymen partııanyń kezekten tys XVII sezi bastaldy», dep habarlady. Bul kezde elimizdegi mıllıondaǵan adamdar sekildi bizdiń janarymyz da osy sezden habar júrgizip jatqan «KZ24» telearnasynyń monıtoryna aýǵan edi. О́ıtkeni, atalmysh sezde bizdiń elimizde qazirgi tańda atqarylyp kele jatqan barsha jumystarǵa baǵa berýmen qatar, jaqyn bolashaqtaǵy basym baǵyttary aıqyndalatyn edi. Álbette, kópshilikti «Nur Otan» partııasynyń tizimi boıynsha aldaǵy Parlament Májilisine depýtattyqqa úmitker bolyp kimderdiń baratyny da qyzyqtyrdy. Bile bilsek, bul da bizdiń elimizdiń jaqyn jyldardaǵy taǵdyryna qatysty másele bolatyn. Bir baıqaǵanymyz, bizdiń oqyrmandarymyz da osyny jete sezinipti. Sondyqtan, olar joǵaryda atap kórsetilgen joldar saıt betinde kórinis tapqan boıda ózderiniń pikirlerin bildirýge kiristi. Bulardyń bárinde de sezdegi serpiliske súıinish bildirý bar. Biz solardyń aldyńǵy lekte túsken birqataryn terip alyp, oqyrman nazaryna usynyp otyrmyz. Nurdos, Balqash qalasy, Qaraǵandy oblysy: – О́z basym osy sezden kóp nárse kútem. «Nur Otan» osy jıynda óziniń naǵyz laıyqty múshelerin qıynshylyqtyń maıdanyna salýy kerek. Halyqtyń senimimen oınamaý kerek, ony aqtaý kerek dep oılaımyn. Iztóleý, Jezqazǵan qalasy: – Aldaǵy saılaýda «Nur Otan» óziniń kúshti, kóshbasshy partııa ekenin kórsetýi kerek. Sezd óziniń naǵyz degen kandıdattaryn durys tańdap alady dep senemin. Eldiń senimin aqtaý seniń muratyń, «Nur Otan»! Erlan, Baızaq aýdany, Jambyl oblysy: – Iá, sát! Elbasynyń baıandamasy úlken ózgeristerge jol ashaıyn dep tur ǵoı. Bári sátimen bolsyn! Edil: – Jetekshi partııanyń sezinen, onda oqylatyn Elbasynyń baıandamasynan kóp nárse kútemin. Men Parlament májilisiniń kezekten tys qaıta saılanýyn, «Nur Otannyń» sezin elimizdiń damýy jó­nindegi mańyzdy oqıǵalar dep esep­teımin. Toqtamys: – Prezıdent daǵdarys kezinde únemdeýge qatysty jaqsy aıtty. Ysyrapshyldyq degen eń jaman nárse. Qazaqta «Tarta jeseń, taı qalady, qorqa jeseń, qoı qalady, qoryqpaı jeseń neń qalady?» degen sóz bar ǵoı. Elbasynyń sezde sóılegen sózi osy qanatty sózge saıa­tyndaı. Kárim, Petropavl: – Bul daǵdarysty da eńse­re­tinimiz anyq. Onyń joldaryn Elbasy «Nur Otan» partııasynyń kezekten tys sezinde taǵy bir aıqyndap berdi. Táýekelderdi eńserý úshin, damý múmkindikterin tabý úshin, Prezıdent aıtqandaı, Úkimetten bastap aýylǵa deıin bir kisideı jumylyp, belsendilikpen eńbek etý kerek. Marǵulan, Ońtústik Qazaqstan oblysy: – «Nur Otan» partııasynyń kezekten tys XVII sezinde Elbasy esti jan uǵarlyqtaı, odan qorytyndy shyǵararlyqtaı oı aıtty. Munaı baǵasy kóteriledi, baıaǵy zaman qaıtyp keledi, dep ózińdi-óziń aldaýǵa bolmaıdy. Jańa jaǵdaıǵa beıimdelip, ómir súrý kerek. Jaqyn-týǵanym jumysqa ornalastyrady, áke-she­shem turmysyma kómektesedi deý – naǵyz masyldyq. О́zińe-óziń qııanat jasaısyń. Jaqsy oqyp, jaqsy maman bolsań, baqytyń qolyńda. Al daǵdarys qorqynyshty emes. Memleket basshysy ony jeńetin resýrstar baryn aıtyp otyr. Jazıra, Ońtústik Qazaqstan oblysy: – Adamda Otan – bireý ǵana. Otanyn gúldendirýge árbir qazaq­standyq atsalyssa, elimizdiń kele­shegi kemel bolady. «Nur Otan» partııasy sezinde Elbasy osyndaı oı aıtty. Rasynda, eldiń nesibesin jep, memleketti aldaǵandardyń ońǵany joq. Shetelde ıtqorlyqpen ómir súrip júr. Urlaǵan aqshasy onyń boıyna juqpaıdy. Elimiz, sol eldiń kóshbasshysy – Elbasymyz aman bolsynshy. О́z basym Qazaqstannyń keleshegi myqty ekenine senemin. Baımaǵanbet, Aqtaý: – Sezde jarııa etilgen depý­tattyqqa úmitkerlerdiń tizimimen tanysyp jatyrmyz. Myńnan ozyp shy­ǵýlaryna tilektespiz jáne Par­la­ment oryntaǵyna jaıǵasqan soń, elge belsendi qyzmet etýge senim bil­di­remiz. Ereke Asyltaı: – Osy joly Elbasy jastar máselesine kóp kóńil bóldi. Jastar da sol senimnen shyǵyp, qoldarynan is keletinderin saıasatqa aralas­tyrǵan, synaǵan durys. Biraq partııalyq tizimde sportshy men ánshi tym kóp... Sol qalaı bolady? Baǵdat Berikbaıuly: – «Nur Otan» partııasy sań­laqtaryn saqadaı saılap, Máji­listiń oryntaǵyna qonjıta salatyn úmitkerlerin saılaý dodasyna qosypty. Durys-aq. Ásirese, tizimde Qaırat Nurtas, Janar, Serik, Gennadıı, Nurlan sekildi óner ordasynda júrgen sportshy-ánshiler barlyǵy qýantty. Demek, bul adamdar sport pen án áleminiń problemalaryn bılikke jetkizip, aqsap turǵan tusyn jetildirýge atsalysady. Men Parlamenttiń jańarǵan, jasarǵan, jańasha bolǵanyn qalaımyn, quptaımyn. Turar Seıdiqul: – Tizimge belgili, halyqtyń aldynda júrgen azamattar enipti. О́ner men sport salalarynyń naǵyz maıtalmandary endigi kezekte eldiń qamyn jep, qıynshylyqty eńserýge eleýli úlesterin tıgizedi degen úmittemiz. Janar Jorabekova: – Qazaqstannyń saıasaty, Elba­symyzdyń ustanymy, jetekshi partııanyń bastamasy – bári meniń kóńilimnen shyǵyp otyr. Búgingi «nurotandyqtardyń» úmitkerler tizimin kórip, Reseıdiń Dýmasy kóz aldyma keldi. Biz buǵan deıin Májiliske ekonomıst, qurylysshy, saıasatker, jazýshy sekildi salanyń maıtalmandaryn toptastyrdyq. Endi osy qatarǵa sportshylar men ánshiler qosyldy. Munyń ózi saıasat. Ádette biz ánshiler men sportshylarǵa depýtattyqta ne bar dep shoshımyz. Qarap otyrsaq, bul salanyń adamdary da bılikke jaqyn bolǵany durys. Joǵarydan problemalardy kóterip, eldiń qamyn oılaýy tıis. Jaraısyńdar! Nurlan Ermekbaı, Qyzylorda oblysy: – Jetekshi partııanyń bul jol­ǵy bastamasy, depýtattyqqa úmitkerler quramy 50-60 paıyzǵa jańarǵan eken. Ásirese, óner adamdaryn qatarǵa qosyp, saılaý dodasyna túsirmek. Menińshe, osyndaı partııanyń bastamasyn qoldap, úmitkerlerge daýys bergen durys. Bári de halyqtyń aldynda júrgen, halyq arqyly óneri baǵalanyp, elimiz arqyly saıystarda top jaryp júrgen jandar. Endi olar eliniń qoldaýyna osy joly da zárý. Raýan: – «Halyq aıtsa, qalp aıtpaıdy» nemese «jel turmasa, shóp­tiń basy qımyldamaıdy» de­gen ras-aý. Osydan birneshe kún bu­ryn el depýtattyqqa Ilıa, Serik, Janar, Qaırat, Gena se­kildi sport pen óner adamdary túsip, baqtaryn synaıdy dep shýlap edi. Endi, mine «Nur Otan» partııasynyń tiziminde olardyń esimderi jarııalandy. Jaraısyń, «Nur Otan», alǵa, Qazaqstan! Samal: – E, Májilis tórinen ánshi men sport­shylardy jıi kórip, endi «bá­re­keldi» deıtin boldyq! Aıt­paqshy, bul juldyzdar depýtat bolsa kásipterin doǵaratyn shy­ǵar. Ne bolsa da, bul tizim kóńi­limnen shyqty. Arman Beısenǵalı: Úmitkerler arasynan laıyqty jandar saılanyp, máseleniń tıimdi joldaryn qarastyrady dep senemiz. Mynadaı almaǵaıyp zamanda jańa­shyl jandar óte qajet.