Kezdesýge daıyndyq pysyqtaldy

Burnaǵy kúni Qazaqstan Respýb­lı­kasynyń Syrtqy ister mınıstri Erjan Qazyhanov Astanada ótetin UQShU memleket basshylarynyń beıresmı kezdesýi qarsańynda osy uıymnyń Bas hatshysy Nıkolaı Bordıýjany qabyldady. Áńgime aýany búgin bolatyn jo­ǵary deńgeıdegi kezdesýge daıyn­dyqqa arnaldy. Sonymen qatar, óńir­lik jáne jahandyq máseleler barysyna nazar aýdaryldy. Ási­rese, qazirgi kezdegi qaýip-qater­ler­ge qarsy turý baǵytynda atqa­ry­lyp jatqan jumystarǵa qanaǵat­taný­shylyq bildirilip, múshe mem­leketterdiń UQShU sheńberinde ás­kerı jáne saıası saladaǵy ózara yqpaldastyǵyn arttyrý jaıy sóz boldy. Osy rette elimiz syrtqy saıa­sat vedomstvosynyń basshysy Astana UQShU-nyń qazirgi zaman qaýipterimen kúresin jáne jyl saıyn ótkizilip kele jatqan «Kanal», «Nelegal» jáne «PROKSI» operasııalaryn oń baǵalaıtynyn jetkizdi. N.Bordıýja óz kezeginde uıym­dy óńirlik qaýipsizdiktiń kópfýnk­sııaly qurylymyna aýystyrý onyń normatıvtik-quqyqtyq bazasyn aı­tarlyqtaı keńeıtýge, sonymen bir­ge, oń ózgeriske ushyraýyna múm­kin­dik týǵyzǵanymen bólisti. Sondaı-aq UQShU sheńberinde terrorızm men ekstremızmge qarsy kúrestegi ózara árekettesý máse­le­leri boıyn­sha praktıkalyq tetikterdi qurý qajettigin de eskerte ketti. Kezdesý beıresmı bolatyndyq­tan, onda eshqandaı qujattarǵa qol qoıylmaıdy. Esesine jahandyq já­ne óńirlik problemalar barysy bo­ıyn­sha jan-jaqty talqylaýlar men jaryssózder oryn alady dep kú­tilýde. Bas hatshy osy oraıda beıresmı kezdesýge Qazaqstan, Reseı, Belarýs, Tájikstan jáne Qyr­ǵyz­stan prezıdentteri qatysatyn­dyǵyn alǵa tartty. Al О́zbekstan basshysy basynda kelisim bergenimen, sońynan kele almaıtynyn málimdepti. «Egemen-aqparat».