Oblys halqyn tekserip-qaraý – 9 túr boıynsha, onyń altaýy onkologııalyq aýrýlardy anyqtaý boıynsha júrgizilgen, dep habarlady ShQO aqparat ortalyǵy.
«Eresekterden basqa 18 jasqa deıingi 31 885 bala qaralǵan, olardyń ishinde ár túrli aýrýlarmen aýyratyn 28 313 adamnyń aýrýlary erte kezeńde anyqtalǵan, 11 116 naýqas dıspanserlik esepke alynǵan, al 12 407 naýqas tolyq emdelip shyqqan», – delingen habarlamada.
Oblystyq densaýlyq saqtaý basqarmasy basshysynyń mindetin atqarýshy Raıfa Safıollınova aıtyp ótkendeı, aýrýlardy emdeýden olardyń aldyn alýǵa baǵyttalǵan profılaktıkalyq is-sharalarǵa kóshýge basa nazar aýdarylady.
«Oblys turǵyndary qazirgi ýaqytta skrınıngterge belsendi túrde qatysýda. Kópshiligi odan bas tartpaı, ózderiniń densaýlyǵy úshin barlyq kezeńnen ótý qajettigin túsinedi. Prezıdenttiń Joldaýy turǵysynan biz osy baǵyttaǵy jumysty kúsheıtemiz», – dep atap ótti R. Safıollınova.
Aıta ketý kerek, 2014 jyldan bastap qaýipti isik aýrýlarynyń joǵary deńgeıin eskere otyryp, Shyǵys Qazaqstan oblysynyń 65 jastan joǵary turǵyndaryna arnalǵan skrınıngtik baǵdarlama engizilgen bolatyn, onyń barysynda 124 myńnan astam adam tekserip-qaralǵan.