Jer reformasy jónindegi komıssııa 11 sheshim qabyldaǵan. Bul týraly Jer reformasy jónindegi komıssııanyń quqyq máseleleri jónindegi tobynyń jetekshisi Muhtar Taıjan úkimet otyrysynda málimdedi.
"Búgingi talqyǵa salynatyn zań jobasy erekshe mańyzdy dep bilemin. О́zderińizge málim, ótken jyly bul zań barlymyzǵa aýyr tıdi. О́kinishke qaraı, keıbir azamattar qazaq halqynyń dilin, mentalıtetin túsinbeı «jerdi sataıyq» dep shyǵa keldi. Halyq oǵan qarsy bolyp, minezin kórsetti. Muny Elbasy kórip túsindi. Ol arnaıy komıssııa qurdy. Qurylǵan jer komıssııasy bul máseleni birneshe aı aqyldasyp, talqylap 11 sheshim qabyldady. Búgingi zań jobasy sol komıssııanyń sheshimderi daıyndaldy", - dedi ol.
Sondaı-aq, ol osy komıssııanyń quramynda jumys istegenin aıtty. "Keıin komıssııanyń osynda otyrǵan QR Aýyl sharýashylyǵy mınıstrliginiń mamandarymen birge osy zań jobasyn daıyndyq. Bul jerde alǵysymdy bildirgim keledi. Úlken kúrdeli jumys atqaryldy. Zań boıynsha biz qabyldaǵan protokolǵa 100 paıyz cáıkes keledi. Oǵan men kepil beremin. О́zimde osy jumysqa qatystym", - dedi Muhtar Taıjan.
Al Konstıtýsııanyń 26-babyna qatysty Muhtar Taıjan bylaı dedi: "Konstıtýsııadaǵy ózgeristerge sáıkes 26-bap ózgertilgeli jatyr. Meniń oıymsha, sol bapty sol qalpynda qaldyrý kerek. О́ıtkeni, bul usynys óte kúmándi. Latıfýndısterge osy zańnyń ishinde normalar bar. Ony Erlan Nysanbaev (QR Aýyl sharýashylyǵy vıse-mınıstri avtor) aıtyp ketti. Iаǵnı bir adamǵa nemese bir fırmaǵa beriletin jerdiń kólemine shekteý bolady. Ol óte mańyzdy. О́ıtkeni, latıfýndızm degen uǵymdy biz joıyp tastaý kerek. Jer halyqqa tımeı aýylda jumyssyzdyq bolady. Sondyqtan biz oǵan arnaıy nazar aýdaǵanymyz jón. Jer tek Qazaqstan azamattaryna ǵana beriledi".