Palata Spıkeri Nurlan Nyǵmatýlınniń tóraǵalyǵymen Májilistiń bıýro otyrysy ótip, Palatanyń jalpy otyrysynda talqylanatyn máseleler qatary aıqyndaldy.
Kún tártibiniń jobasyna depýtattardyń nazaryna ratıfıkasııalanatyn zań jobalaryn qaraý usynyldy.
Olar Qazaqstan men О́zbekstan arasyndaǵy Halyqaralyq avtomobıl qatynasy týraly Úkimetaralyq kelisimge túzetýler engizý. Jańa engizilim eki el arasyndaǵy jolaýshylar tasymaldaryn júzege asyrý úshin quqyqtyq negizdi qurýǵa baǵyttalady. Sondaı-aq, Qazaqstan men О́zbekstan arasyndaǵy saýda-ekonomıkalyq damýdy qarqyndatyp, iskerlik baılanysty tereńdete túspek.
Osy qatarda Qazaqstan men Norvegııa arasyndaǵy Halyqaralyq avtomobıl tasymaldary týraly Úkimetaralyq kelisim de bar. Kún tártibinde Palataǵa beıindi komıtetterge qorytyndy ázirleý merzimderin belgileý boıynsha zań jobalary usynyldy.
Olardyń qataryna Ujymdyq qaýipsizdik týraly shart uıymy sheńberinde qupııa aqparattyń saqtalýyn ózara qamtamasyz etý týraly, sonymen qatar, Qazaqstannyń Azyq-túlik qaýipsizdigi jónindegi Islam Uıymy arasyndaǵy shtab-páter týraly kelisimderge túzetý engizý bar.
Budan basqa, bıýro otyrysynda 2017 jylǵy 21-22 qyrkúıek aralyǵynda Májilistiń Agrarlyq máseleler komıtetiniń Soltústik Qazaqstan oblysynda kóshpeli otyrysyn ótkizý týraly máseleler de qaraldy.
«Egemen-aqparat»