S.Seıfýllın atyndaǵy Qazaq agrotehnıkalyq ýnıversıtetinde kartopty suryptaý jáne daqyldandyrý jónindegi qazaq-qytaı ǵylymı ortalyǵy ashylady.
Shandýn provınsııasy men Shısen (QHR) kartop óndirý kompanııasy delegesııasy ǵylymı- tájirıbelik kampýs aýmaǵynda kartop suryptaý nátıjesimen, Qytaımen birlesip qurylǵan ǵylymı-óndiristik ortalyqtardyń jumystarymen tanysty. Delegasııa quramynda Shandýn provınsııasynyń memlekettik organdary men kartop óndirýshi kompanııanyń ókilderi bar.
Eki jaqty kelisimge sáıkes QazATÝ bazasynda fermerlerdi agroóndiris salasyndaǵy jańa tehnologııalar boıynsha oqytý jumystary uıymdastyrylatyn bolady. Sonymen qatar, ýnıversıtet janynan kartoptyń vırýssyz shaǵyn túınek sortyn suryptaý jónindegi zerthana ashylady.
Kadrlardy birlesip daıarlaý úshin qytaılyq tarap 10 jas ǵalymdy Qytaıda oqytý úshin, 5 mamandy Shandýn provınsııasynyń JOO-da is-tájirıbeden ótkizý úshin arnaıy grant bóldi. «Xisen Potato Industry Group Co. Ltd» kompanııasynyń prezıdenti QazATÝ-ǵa stýdentterdi Qytaıda jáne ýnıversıtet qabyrǵasynda oqytýǵa 2 mln ıýan, ıaǵnı 102 mln teńge bóldi.
Qazaq agrotehnıkalyq ýnıversıteti «Xisen Potato Industry Group Co. Ltd» kartop óndirýshi kompanııasymen 4 jyldan beri áriptestik qarym-qatynas ornatqan. QazATÝ qytaılyq kompanııaǵa ýnıversıtettiń ǵylymı-tájirıbelik kampýsyndaǵy 35 gektar jerge kartop egýge, birlesken ǵylymı tájirıbeler júrgizýge jáne demonstrasııalyq stasıonar qurýǵa 35 gektar jerge jumys júrgizýge múmkindik berdi. Qytaılyq tarap ýnıversıtetti 8 birlik kartop tehnıkasy jáne ózge de qondyrǵylarmen qamtamasyz etti.
Sheteldik delegasııalardyń qatysýymen ótken ǵylymı keńeste Shandýn provınsııasy Ǵylym jáne tehnologııa departamentiniń bas dırektory Lıý Veımınge jáne Shısen kartop óndirý kompanııasynyń prezıdenti Lıang Shısenge QazATÝ-dyń qurmetti professorlary ataǵy berildi.
Aıa О́MIRTAI,
«Egemen Qazaqstan»