О́skemendegi oblystyq drama teatrda osy mádenıet ordasyn bıik beleske kótergen talantty rejısser, aqyn, akter Rústem Esdáýletti eske alý keshi ótip, shara barysynda óner ıesine arnalǵan eskertkish múıis ashyldy.
Nebary otyz bir jasynda jaryq juldyzdaı jarq etip, ómirden erte ótken tulǵanyń keýde músininiń qos qaptalynan sýretteri men marapattary, áınek sóreden ol týraly jazylǵan maqalalar, estelikter men óziniń qoljazbalary oryn alypty. Eskertkish múıistiń lentasyn aqyn, jazýshy Álibek Qańtarbaev pen marqumnyń ápkesi Baǵdat Orazbaıqyzy qıdy.
«Elbasynyń «Bolashaqqa baǵdar: rýhanı jańǵyrý» maqalasynda «Álem bizdi qara altynmen nemese syrtqy saıasattaǵy iri bastamalarymyzben ǵana emes, mádenı jetistikterimizben de tanýy kerek» dep jazylǵan. Endeshe biz Rústem Esdáýletteı darynymyzdy dáriptep, urpaq jadynda qaldyrýǵa tıispiz. Rústem baýyrymyzdyń teatr óneriniń damýyna qosqan úlesi zor. Jas ta bolsa bas bola bilgen onyń qoıǵan spektaklderi respýblıkalyq qana emes, halyqaralyq dodalardan da san márte júlde alyp keldi», – dedi teatr dırektory Dinmuhamed Uıabaı eskertkishtiń ashylý saltanatynda.
Bul kúni Jastar teatrynyń akterleri oblys ortalyǵyndaǵy óner ordasynyń qazaq trýppasyn basqarǵan 7 jylda 25 qoıylym sahnalaǵan talant ıesiniń óleńderin oqydy. Kesh sońynda rejısserdiń tól týyndysy «Atymdy adam qoıǵan soń...» qoıylymy kórermender nazaryna usynyldy.
Azamat QASYM, «Egemen Qazaqstan»
О́SKEMEN