Ashyq dıalog alańynda soltústikqazaqstandyq jastar elge jáne oblysqa tanymal tulǵalarmen kezdesip, keńinen áńgimelesti.
Meımandardyń arasynda bılikte júrgender de boldy. Solardyń birit – oblys ákiminiń orynbasary Madııar Qojahmet jastardy belsendi bolýǵa shaqyrdy.
Elimizde shet el tilderin meńgergenderge, "Bolashaq" baǵdarlamasy boıynsha bilim alǵandarǵa jol ashyq. Bul týraly Petropavl qalasy ákiminiń orynbasary Evgenıı Glotov keńinen aıtty. Ol atalmysh baǵdarlama aıasynda AQSh-ta bilim alǵan. Memlekettik tildi de jaqsy ıgergen.
Kezdesýge Qazaqstanǵa tanymal sportshylar da keldi. Búginde esimi dúnıe júzine belgili palýan Sergeı Syrýlnıkov 4 ret álemdik rekord ornatqan. Bul joly Astanadan salmaǵy 34 keli tartatyn qylysh ákelipti. Dál osyndaı qarýdy qazaq batyrlary jaýǵa shapqanda qoldanǵan, deıdi ol.
Ashyq dıalog alańyna jınalǵandar "Street Workout" ónerin de tamashalaı aldy. Bul sport túri óńirimizde keń qanat jaıyp keledi.
Forýmda óz salalary boıynsha jarqyrap kózge túsken jas azamattar 10 atalym boıynsha marapattaldy. Máselen, "Jas sportshy" atalymyna erkin kúresten elimizdiń úsh dúrkin chempıony Indıra Naýryzbaeva ıe boldy. Qazir ol jattyqtyrýshy bolyp jumys isteıdi. Saltanatty shara barysynda jas tilshiler men muǵalimder, áskerı qyzmetkerlerdiń eńbegi de baǵalandy.
«Pikirtalas alańdarynda jastardy mazalap júrgen kóptegen máseleler suraqtar qozǵaldy. Olardy baspanamen, turaqty jumys oryndarymen qamtamasyz etý jaıy kóbirek tolǵantady», deıdi «Jas Otan» JQ SQOF-nyń jetekshisi Abylaıhan Qaırolla. .
О́mir Esqalı,
«Egemen Qazaqstan».
Soltústik Qazaqstan oblysy.