Búgin AQSh-tyń Nıý-Iork qalasynda QR Mádenıet jáne sport mınıstrliginiń bastamasymen, QR-nyń Birikken Ulttar Uıymyndaǵy turaqty ókildiginiń qoldaýymen “PHOTO FEST KZ” halyqaralyq fotofestıvaliniń kórmesi ashyldy.
BUU-nyń Kórme Zalynda Qazaqstan Respýblıkasynyń Táýelsizdik kúni merekesine oraı uıymdastyrylǵan “Qazaqstan álem fotograftarynyń kózimen” atty mádenı sharaǵa AQSh, Fransııa, Italııa, Túrkııa, Reseı jáne elimizdiń álemdik deńgeıdegi fotograftarynyń 100-den astam jumysy qoıyldy.
Kórmeni sheteldik dıplomatııalyq, elshilik ókilderi men qala qonaqtaryn qamtyǵan 500 den asa adam tamashalady. Ári, tańdaýly foto kartınalar arqyly olar Qazaqstandy jańa qyrynan (ulttyq salt-dástúr, ádet-ǵuryp, tabıǵat,) tanyp, óz baǵalaryn berdi.
Esterińizge salar bolsaq, QR Mádenıet jáne sport mınıstrliginiń qoldaýymen “EKSPO-2017” Halyqaralyq kórmesi aıasynda sheteldiń eń úzdik fotograftary Astana qalasynda bas qosqan bolatyn. Olar EKSPO-dan bólek elimizdiń barlyq aımaqtaryn aralap, kórikti oryndaryn sýretke túsirgen edi. Sonyń nátıjesinde Elordada «Qazaqstan álem fotograftarynyń kózimen» atty kitap basylyp shyqty.
Bul retki kórkem kartınalar kórmesine elimizdiń foto ónerin əlemge tanytyp júrgen belgili fotograftar Asylhan Əbdiraıym, Erbolat Shadrahov, Shúkir Shahaı, Turar Qazanǵap, Jeńis Ysqabaı, Sərsenbek Qyzaıbek, Erlan Omar, Aıbek Ahanov, Maksım Rojın, Aqədil Rysmahan, Altynbek Qartabaı, Səbı Maemerov, Maqsat Shaǵyrbaevtardyń tańdaýly týyndylary kórermen nazaryna usynyldy.
“Qazaqstandy amerıkalyqtar men qatar kúlli álemge fotoapparattyń obektıvi arqyly tanystyrýdy maqsat tuttym” deıdi Halyqaralyq dərejedegi fotograf Maqsat Shaǵyrbaev.
Nurshat TО́KEN AQSh, NIý-IORK