Bıyl Shymkent qalasynda jalpy aýmaǵy 588,8 gektar jer telimi men 785 jyljymaıtyn múlik ornalasqan jer ýchaskeleri memleket menshigine qaıtaryldy.
Qalalyq jer qatynastary bóliminiń basshysy Qasymbek Saılaýov kópqabatty turǵyn úılerdiń qurylysy úshin «Eýrazııa» bazary mańyndaǵy jerler memleketke keri qaıtarylatyndyǵyn aıtady. Sonymen qatar, saıabaqtar men gúlzarlar qurylysy úshin Kómeshbulaq turǵyn alabynan, jol qurylysyn salý úshin «Turan» shaǵyn aýdanynan jer ýchaskelerin qaıtarý jumystary júrgizilip jatyr. Qonaev dańǵyly men О́tegenov kóshesi, Ońtústik aınalma joly men Báıterek kóshesi, Almaty aınalma tas joly boıyndaǵy jer telimderi de memlekettiń qajettiligine alynbaq.
Bul jóninde Shymkent qalasynyń ákimi Nurlan Saýranbaev: «Eń bastysy, ákimdik qyzmetkerleri jergilikti turǵyndarmen ózara tyǵyz baılanysta jumys isteı bilgeni jón. Iаǵnı, menshik ıelerine túsindirý jumystaryn júrgize otyryp, qajet bolǵan jaǵdaıda sotqa júginýge bolatynyn da eskertýi tıis. Turǵyndar óz menshigin asyra joǵary baǵalap, máseleni ýshyqtyra túspeýi kerek. Bile bilgenge, Astana, Almaty qalalarymen salystyrǵanda Shymkenttegi jer telimderiniń baǵasy áldeqaıda tómen. Sóıte tura, memleket muqtajdyǵy úshin bizder menshik ıelerine atalǵan qalalarmen bir deńgeıdegi baǵany usynamyz», dedi.
Baqtııar TAIJAN, «Egemen Qazaqstan»