Megapolıste uzyndyǵy 30 shaqyrym jańa trotýarlardy jóndeý men salý jumystary bastaldy, - dep habarlaıdy Almaty ákimdiginiń baspasóz qyzmeti. Qalanyń 157 kóshesin jóndeý barysynda júrginshi joldary da jańarady.
Kóshe-jol júıelerin jóndeý kezinde buzylǵan aryq naýalary aýystyrylyp, kereksiz konstrýksııalar alynyp, jasyldandyrý atqarylady. Qozǵalystyń ótkizý qabiletin arttyrý maqsatynda jıektegi turaq qaltalary ǵana abattandyrylady. Jaıaý júrginshilerdiń qaýipsizdigin qamtamasyz etý úshin kósheden kirý bóligi tarylady. Bulardan ózge, megapolıs basshysynyń tapsyrmasy boıynsha júrginshi qozǵalysyn qıyndatatyn qurylystar bar trotýarlar anyqtalýda.
Aıta keterligi, Túrksib aýdanynda Stahanov, Parıj kommýnasy, Shymkent, Býdennyı kósheleri bóliginde jańa trotýarlar paıda boldy. Áýezov aýdanyndaǵy №6 men №8 yqsham eldi mekenderde jańa aýlaaralyq trotýarlar paıdalanýǵa berildi.
Bostandyq aýdanynda Dýnaevskıı kóshesi boıymen Jarokov jáne Hodjanov kóshelerinde de trotýarlar iske qosyldy. Osyǵan uqsas jumystar qalanyń barlyq aýdandarynda júrýde. Sondaı-aq, qalany jańartýdyń ekinshi jyly boıyna bıylǵy jazda birqatar negizgi dańǵyldar jańarady. Injenerlik ınfraqurylymdy modernızasııalaý kezinde 12 shaqyrym jylý jelisin aýystyrý josparlanǵan. Bulardan ózge, burynnan jańarǵan 455 aýla alańdaryna qosymsha taǵy da 585 aýla jóndeledi.