• RUB:
    6.68
  • USD:
    520.93
  • EUR:
    609.07
Basty saıtqa ótý
Qazaqstan 27 Sáýir, 2018

Gúlshara Ábdiqalyqova QHA Keńesiniń keńeıtilgen otyrysyna qatysty

480 ret
kórsetildi

Qazaqstan Respýblıkasynyń Memlekettik hatshysy Gúlshara Ábdiqalyqova Qazaqstan halqy Assambleıasy Keńesiniń keńeıtilgen otyrysyna qatysty, dep habarlady akorda.kz. 

Ulttyq akademııalyq kitaphanada Qazaqstan halqy Assambleıasynyń XXVI sessııasy qarsańynda Qazaqstan Respýblıkasynyń Memlekettik hatshysy G.Ábdiqalyqovanyń qatysýymen Qazaqstan halqy Assambleıasy Keńesiniń keńeıtilgen otyrysy ótti.

Jıynǵa QHA tóraǵasynyń orynbasary – Hatshylyq meńgerýshisi L.Prokopenko, Parlament Májilisiniń depýtattary, Assambleıa músheleri, qoǵam qaıratkerleri, ǵylymı jáne shyǵarmashylyq zııaly qaýym ókilderi qatysty.

Gúlshara Ábdiqalyqova Memleket basshysynyń: «Qazirgi zamanaýı jahandyq jaǵdaıda ulttyq birlik degenimiz – áleýmettik birlik, al qalyptasqan memleket degenimiz – áleýmettik memleket», – degen sózderin atap ótti.

– «Prezıdenttiń bes áleýmettik bastamasy» qoǵamdy keshendi túrde áleýmettik jańǵyrtýdyń qozǵaýshy kúshine aınalýǵa tıis. Olar saıası, ekonomıkalyq jáne rýhanı salalardaǵy aýqymdy reformalar algorıtmin jalǵastyra otyryp, túıindeıtin bolady. Áleýmettik birlikti tuǵyr etken ulttyq biregeılikti nyǵaıtý máseleleri árdaıym Qazaqstan halqy Assambleıasynyń basty nazarynda bolýǵa tıis, – dedi Memlekettik hatshy.

2017 jyly QHA qoǵamdyq sanany jańǵyrtý jobalary boıynsha 20 respýblıkalyq jáne 395 óńirlik is-shara uıymdastyrdy. 2 myńnan astam qaıyrymdylyq is-shara ótkizilip, kóp balaly jáne tabysy tómen 60 myńnan astam otbasyǵa, sonymen qatar 8 myńǵa jýyq túrli uıymdarǵa kómek kórsetildi.

Basqosýda Parlament Májilisindegi QHA-nyń depýtattar tobynyń, Mańǵystaý oblysy Qazaqstan halqy Assambleıasynyń jáne respýblıkalyq Ázerbaıjandar qaýymdastyǵy jumysynyń qorytyndylary qaraldy.

Sondaı-aq, basqa da birqatar másele, atap aıtqanda QHA-nyń XXVI sessııasy qaraýyna Qazaqstan halqy Assambleıasy tóraǵasynyń etnomádenı birlestikter atynan usynylatyn jańa qoǵamdyq orynbasarlarynyń kandıdatýrasyna baılanysty máseleler qarastyryldy.

Otyrys barysynda Qazaqstan Respýblıkasynyń Memlekettik hatshysy G.Ábdiqalyqova qurmetti ataqqa ıe bolǵan reseılik kórnekti saıası jáne qoǵam qaıratkeri Rýslan Aýshevti, Germanııanyń memleket jáne qoǵam qaıratkeri Genrıh Sertıkti quttyqtap, olarǵa QHA Dostyq elshisiniń patentin tapsyrdy.

Sońǵy jańalyqtar