Qaraǵandy oblysynda «Salamatty Qazaqstan» konsýltatıvtik-dıagnostıkalyq poıyzy 13 kún ishinde Mańadyr, Jomart, Jeńis, Qyzyljar, Túıemoınaq, Terekti, Qoskól, Baıqońyr, Qarsaqbaı jáne Darııa syndy stansalarda bolyp, turǵyndarǵa medısınalyq qyzmet kórsetti.
Shalǵaıdaǵy kishi stansalar jáne mańaıdaǵy aýyldardyń 3 myńnan astam turǵyny terapevt, mammolog, gınekolog, pedıatr, tis dárigeri, ÝDZ mamanynyń jáne hırýrgtiń mamandandyrylǵan medısınalyq kómegin alyp, hırýrgııalyq usaq otalar men sapaly zerthanalyq tekserýden ótý múmkindigine ıe boldy.
«Densaýlyq poıyzy» emdelýshilerge medısınalyq dıagnostıkalyq zertteýlerdiń barlyq túrlerinen ótýge múmkindik beretin zamanaýı dıagnostıkalyq jabdyqtarmen qamtamasyz etilgen.
Qaırat Ábilda,
«Egemen Qazaqstan»
Qaraǵandy