Bilim ordasynyń jańa basshysy bolyp, Qostanaı qalasyndaǵy joǵary polıtehnıkalyq kolledjdiń dırektory, oblystyq máslıhattyń depýtaty, ekonomıka ǵylymdarynyń kandıdaty Alma Dosjanova taǵaıyndaldy.
О́tken jyldyń 4-jeltoqsanynda A.Baıtursynov atyndaǵy Qostanaı memlekettik ýnıversıtetiniń rektory laýazymyna jarııalanǵan konkýrsqa 9 ǵalym qatysqan bolatyn. Barlyq tıisti synaqtardan keıin respýblıkalyq komıssııa jasyryn daýyspen ýnıversıtet rektoryn anyqtady. Tańdaý Alma Dosjanovaǵa tústi.
Alma Irgebaıqyzy Dosjanova – professor, oblystyq máslıhat depýtaty, onda bıýdjet, ónerkásip, shaǵyn jáne orta bıznesti damytý máseleleri jónindegi komıssııa tóraıymy, «Nur Otan» partııasy Saıası keńestiń múshesi, Parlament Májilisinde QR «Blim týraly» zańy jobasy boıynsha sarapshylar tobynyń múshesi bolǵan.
Alma Irgebaıqyzy Qostanaı oblysyndaǵy burynǵy Lenın aýdanynda týǵan. Arqalyq qalasynda mektepti bitirgen, Qostanaı aýyl sharýashylyǵy ınstıtýtynan ekonomıst mamandyǵy boıynsha bilim aldy. Osy oqý ornynda kishi ǵylymı qyzmetker bola júrip, 2000-shy jyly kandıdattyq dıssertasııasyn qorǵady. 2004 jyly «Innovasııalyq-keńes ortalyǵy» qoǵamdyq birlestigin qurdy. Qostanaı polıtehnıkalyq joǵary kolledjin basqardy. Onda júrip birneshe tabysty jobalardy júzege asyrdy: Reseı, Fransııa, Germanııa, Fınlıandııa, Soltústik Kıpr, Týrkııa joǵary oqý oryndarymen halyqaralyq yntymaqtastyq ornatty. Basqa da ózektiligimen qundy jobalardy júzege asyrdy.
Sonymen qatar Alma Irgebaıqyzy basqarǵan joǵary polıtehnıkalyq kolledj tehnıkalyq jáne kásiptik bilim beretin mekemeler arasynda oblys jáne respýblıka boıynsha úzdik kolledj dep moıyndaldy.
Názıra JÁRIMBET,
Egemen Qazaqstan
Qostanaı