Jýyrda elordada isin jańa bastaǵan kásipkerlerdi qoldaý maqsatynda jańa alań ashylatyn bolady. Ol megapolıstiń startap-qaýymdastyǵyn damytýǵa jáne qoldaýǵa múmkindik beredi. Bul týraly Astana Innovations AQ baspasóz qyzmeti habarlady.
Jobany Astana ákimdigi Astana Innovations AQ, Seedstars Halyqaralyq bıznes-ınkýbatory jáne BI Group kompanııasymen birlesip júzege asyrady. Astana Innovations aqparatyna qaraǵanda, bul alań Seedstars bastaǵan TMD-da alǵashqy kovorkıng-ortalyǵy bolmaq, onyń jelisine búkil álem boıynsha 70 myńnan astam startaptar kiredi. Ol jylyna 365 kún táýligine 24 saǵat ashyq jáne qalalyq mindetterdi sheshýge arnalǵan. Rezıdentterdiń qyzmetterine mentorlardyń, keńesshilerdiń, tehnıkalyq mamandardyń úlken jelisi enedi.
Sonymen qatar, mundaı format tek kovorkıng-keńselerdi ǵana emes, sonymen qatar qatysýshylardyń ómir súrýi úshin kolıvıng-keńistikti de qarastyrady.
2017 jyly kompanııa Astana Innovations Challenge jobasyn iske qosty. Ol ártúrli salalarda qyzmet etetin jańashyl mamandardy, kásipkerlerdi, startapshylardy, sarapshylardy jáne mentorlardy biriktirdi. Bul baǵyt «Sıfrlyq Qazaqstan memlekettik baǵdarlamasyn iske asyrý josparyna sáıkes alǵa jyljýda, sondaı-aq ol «Smart Astana tujyrymdamasyn júzege asyrýǵa baǵyttalǵan. Búgingi tańda 12 startap-baıqaý (jeti startap-ýıkend jáne bes hakaton) ótkizildi. Árbir is-sharanyń taqyryby megapolıs turǵyndarynyń problemalyq máselelerinen quralǵan Astana ákimdiginiń qalalyq tehnologııalyq mindetteriniń pýlynan alyndy.
2017 jyldyń basynan beri 4 myńǵa jýyq adam osyndaı hakatondarǵa qatysty. Startap-marafon barysynda qazylar alqasy 120 fınalısti anyqtady. Jobalardy baǵalaýǵa álemniń 13 elinen 160-tan astam halyqaralyq uıym basshylary men sarapshylary tartyldy. Astana Innovations Challenge qatysýshylary turǵyndardyń ómirin jeńildetetin jáne kireberisterdi, shlagbaýmdardy jáne basqa da úı-jaılardy ashýǵa bir kilt paıdalanýǵa múmkindik beretin E-PIK jobasyna tartyldy.
Búgin joba Qonaev kóshesi, 35 jáne 35/1 meken-jaıy boıynsha qoldanylýda. Osy jobaǵa 17 kireberisti engizý josparlanyp otyr. Kelesi iske asyrylǵan startap – TuraQShare jobasy (turaq oryndaryn jalǵa berýge arnalǵan mobıldi qosymsha). Búgingi tańda joba Astananyń alty turǵyn úı kesheninde iske qosyldy. Docchain jobasy – blockchain tehnologııasyn paıdalana otyryp, zańdy qujattarmen almasýdyń qaýipsiz qyzmeti. Joba Qazaqstannyń túrli alańdarynda synaqtan ótti.
Kompra jobasy – iskerlik seriktesterdiń adaldyǵyn tekserý servısi, úsh mınýt ishinde kez kelgen qazaqstandyq kompanııany 40 zańdy jáne qarjylyq kórsetkishter boıynsha tekserýge múmkindik beredi. Olar: salyqtar, sot isteri, josyqsyz ónim berýshiler, bankrot jáne jalǵan kásiporyndar tizilimderinde bolýy jáne t.b. Búgin joba – Astana Hub IT-startaptar parkiniń rezıdenti. Ol Qazaqstan naryǵynda sátti jumys isteýde.