Fınlıandııanyń Lahtı qalasynda 15 shaqyrymǵa klassıkalyq ádispen jarysqan shańǵyshylar básekesi aıaqtaldy. Qazaqstan arasyndaǵy úzdik kórsetkishti Valerııa Tıýlenova tirkedi. Bul týraly Ulttyq olımpıadalyq komıtettiń resmı saıty habarlady.
Osydan birneshe kún buryn Tıýlenova erkin ádispen 10 shaqyrymǵa jarysýda úzdik bestikke engen bolatyn.
Búgin jalpy esebi 59 sportshy jarys jolyna shyqty. Alaıda, jerlesimiz aıtarlyqtaı jaqsy nátıje kórsetken joq. Jarys qorytyndysy boıynsha ol 22-shi orynǵa taban tiredi.
Bul synda reseılik Anna Jerebıateva jeńimpaz atansa, onyń jerlesi Lıdııa Dýrkına kúmis medal ıelendi. Nemis qyzy Katarına Hennıng úshinshi orynda.
О́zge qazaqstandyq sportshylardyń nátıjesi mynadaı: Angelına Shýryga - 42 oryn, Ksenııa Shalygına - 43, Anna Melnık - 51.