Naýryz meıramyna oraı alańdar ulttyq naqyshta bezendirilip, kún men túnniń teńesken aıshyqtaıtyn nebir arhıtektýralyq músinder ornatyldy.
Naýryz merekesin toılaý Tuńǵysh Prezıdent saıabaǵynan bastaý alady. Osy jerde “Qosh keldiń, mereılik Naýryz” atty aýqymdy baǵdarlama uıymdastyryldy. Jıynda oblys ákiminiń orynbasary Madııar Qojahmet birligi men dostyǵy jarasqan óńir jurtshylyǵyn Shyǵys halyqtanynyń jańa jylymen quttyqtap, ortaq qýanyshqa Reseıdiń Omby, Qorǵan, Túmen oblystarynana arnaıy delegasııalar ortaqtasyp otyrǵanyn jetkizdi. Elimizge tynyshtyq, qazaqstandyqtarǵa bereke tiledi.
Teatrlandyrylǵan qoıylym án shashýǵa ulasty. Bir jerde balýandar beldesip jatsa, endi bir jerde asyq atýdan, qoı kóterýden, jilik syndyrýdan saıys qyzyp sala berdi. Elbasynyń Uly dalanyń jeti qyry maqalasyna oraılastyryla qurylǵan 7 kıiz úı sanaýlan taqyryptyq mazmundylyǵymen kelýshilerdiń nazaryn aýdardy.“Qazaqstan – alma men qyzǵaldaqtyń otany” atty kórme, metallýrgııany, atqa miný mádenıetin sýretteıtin derekter usynyldy. «Sheberler aýyly» atty festıvalda qolóner sheberleriniń qolmen jasaǵan dúnıeleri tamashalandy. Temirtaýdan arnaıy kelgen ismerler óz tájirıbelerimen bólisti.
Belgili ánshi Nurlan Abdýlınniń qatysýymen konsert qoıylyp, qyzǵaldaqtar festıvali aıasynda “Bogatyrskıı prodýkt” seriktestigi turǵyndarǵa 10 myń dana lotereıalyq gúlder boıynsha jalpy quny 500 myń teńge bolatyn syılyqtar oınatty.
Osy kúni 3 tonna palaý, 700 kılo baýyrsaq, 300 lıtr qymyz ázirlenip, az qamtylǵana, turmysy tómen otbasylarǵa tegin úlestirildi.
Naýryz merekesin kópqabatty úılerdiń aýlalarynda atap ótý dástúri bıyl da jalǵasyp, 300-deı nysandy qamtydy.
Ulystyń Uly kúni aýyldyq jerlerde de keńinen atap ótildi.
О́mir ESQALI,
«Egemen Qazaqstan»
Soltústik Qazaqstan oblysy