Búgin elorda ákiminiń orynbasary Altynbek Qaısaǵalıev Y.Dúkenuly men Sh.Ýálıhanov kósheleri qıylysynda ornalasqan «Garant» turǵyn úı keshenindegi qurylys jumystarymen tanysty. Bul týraly elorda ákimdiginiń resmı saıty habarlady.
Qazirgi tańda osy nysanda ınjenerlik-kommýnıkasııalyq jeliler tartylyp, árleý jumystary qarqyndy júrgizilýde. Aldaǵy ýaqytta keshen aýmaǵynda abattandyrý jumystary bastalmaq.
− Bul úıdi osy jyly jazda tapsyrýdy josparlap otyrmyz. Munda 170-ke jýyq aldanǵan úleskerler bar. Prezıdentimizdiń tapsyrmasyna sáıkes aldaǵy 5 jylda biz elordalyq úleskerlerdiń máselesin tolyq sheshý josparda bar. Qazir biz osy baǵytta Úkimetpen birge jumys istep jatyrmyz,-dep atap ótti Nur-Sultan qalasy ákiminiń orynbasary.
Aıta ketý kerek, atalmysh turǵyn úı keshenniń qurylysy 2011 jyly bastalǵan edi. 2015 jyldan bastap problemalyq úılerdiń sanatynda tur.