«Biz birgemiz!» biryńǵaı respýblıkalyq aksııasy naǵyz janashyrlyq, qamqorlyq úlgisi. Igilikti iske «Nur Otan» partııasynyń oblystyq fılıaly men «Jas otan» jastar qanatynyń ókilderi belsendilikpen qatysýda.
Kókshetaýlyqtar kúrish, qaraqumyq, suıyq maı, ıaǵnı áleýmettik mańyzy zor azyq-túlik pen jeke gıgıenaǵa qajet antıseptıkalyq quraldardy áleýmettik az qamtylǵan otbasylarǵa jóneltýde. Mundaı janashyrlyqty qajet etetin júzge jýyq otbasy bar.
«Biz birgemiz!» respýblıkalyq aksııasyna Aqmola oblysynyń kásipkerleri de qyzý qoldaý tanytýda. Jınalǵan qarjyǵa aldymen azyq-túlik satylyp alyndy. «Nur Otan» partııasynyń oblystyq fılıaly men «Jas Otan» jastar qanatynyń ókilderi jınalǵan azyq-túlikti teńdeı etip bólip, ár otbasyna jeke-jeke daıyndaý ústinde.
– «Jas otandyqtardan» quralǵan mobıldi top ókilderi tizim boıynsha áleýmettik az qamtylǵan otbasylarǵa áleýmettik kómekti «esikten esikke» prınsıpimen jetkizýde, – deıdi «Jas Otan» jastar qanatynyń keńesshisi Gúlnáz Bókesh.
Jomart jandardyń janashyrlyǵy qamkóńildi turǵyndardyń senimin nyǵaıtyp, birliktiń bar ekendigine kózderin jetkizýde.