Aqmola oblysynda koronavırýstyń aldyn alý sharalary barynsha kúsheıtilgen. Oblys ortalyǵy Kókshetaý qalasyndaǵy iri saýda nysandary men oıyn saýyq jelileri jabyldy. Tek azyq-túlik dúkenderi men dárihanalar belgilengen tártipte jumysyn jalǵastyrýda.
Kókshetaýdaǵy «RIO» oıyn-saýyq ortalyǵynyń jalpy aýmaǵy 15 myń sharshy metr. Bul jerge aıyna 400 myńnan astam adam keledi eken. Qazir ýaqytsha esigi tars jabylǵan. Tek birinshi qabattaǵy balalar taǵamy dúńgirshegi men dárihana ǵana jumys istep tur....
– Biz saýda nysandarynyń jumys ýaqytyn qysqarttyq. «RIO» oıyn-saýyq ortalyǵy, Kerýen saýda úıi men Shaıba bazaryn ýaqytsha jabý týraly sheshim qabyldadyq. Osy nysandar qazir jabyq tur. Budan bólek Ortalyq bazardaǵy kıim-keshek, turmystyq zattar bólimindegi jumysshylardyń jumys ýaqytyn toqtattyq. Qazir tek ortalyq bazardyń azyq-túlik bóligi ǵana jumys istep tur, – deıdi «Ortalyq bazar» seriktestiginiń ákimshisi Nurııa Baısalbaeva.
Koronavırýs indetiniń taralý qaýpi joǵary bolýyna oraı qaladaǵy túngi klýbtar, karaoke barlar, monsha men fıtnes ortalyqtary, basseınder jáne kompıýterlik klýbtar ózge de adam kóp jınalatyn nysandardyń qyzmeti ýaqytsha toqtatylǵan.