Sońǵy kúnderdegi aýa raıynyń kúrt jylynýynan óńirdegi ózen-kólderdegi muz juqardy. Áıtse de, balyqshylar kásipterin toqtatar emes.
Kóksheniń baýraıyndaǵy seksen kól, Qorǵaljyndaǵy on san sý aıdyndarynyń betindegi muz juqaryp, ańǵal adamdarǵa qaýip tóndirýde. Ańǵal da emes, qarmaq qyzyǵy muzy juqarǵan kól betine jetektep alyp shyqqan balyqshy qaýym qaýipti eskermeı otyr. Oblystyq tótenshe jaǵdaılar jónindegi departamentiniń mamandary kól betinde turaqty túrde reıd júrgizip, balyqshylardy qatań baqylaýǵa alǵan.
Saqtyq sharalaryn eskermegen balyqshylar qaıǵyly jaǵdaılarǵa dýshar bolyp jatady. Byltyr kóktemgi balyq aýlaý kezinde 1 balyqshy mert bolǵan. Qaıǵyly oqıǵa Astrahan aýdanynda oryn alǵan. Atalmysh jaǵdaı basqa balyqshylarǵa sabaq bolýy tıis.
–Negizi 25 naýryzda kóktemgi balyq aýlaý kezeńi aıaqtalady. Shýche kólinde balyqshylardy muzǵa jibermeıdi. Al, bizde áli de ruqsat berip jatyr. Al, men búgin sońǵy ret shyqtym. Endi shyqpaımyn. Sebebi, muz juqaryp keledi,–deıdi balyqshy Vıktor Pogodın.
Qazirgi kezeń kóktemgi sý tasqynynyń ýaqyty. Iаǵnı, kúnniń kúrt jylynýyna baılanysty ózen-kólderdegi muz beti tez erýde. Osy qaýipti kezeńde balalarǵa muz betinde shańǵy tebýge jáne balyqshylarǵa balyq aýlaýǵa tyıym salynady.