Elde jarııalanǵan tótenshe jaǵdaıǵa baılanysty oblystyq qan ortalyǵynda donorlardyń jetispeýshiligi qatty sezilýde. Olardyń sany eki ese azaıǵan.
Tótenshe jaǵdaı engizilgenge deıin oblystyq qan ortalyǵyna kúnine 20-25 donor keletin. Qazirgi ýaqytta olardyń sany 8-12 adamǵa deıin qysqardy. Búginde ortalyqta qan qory jetkilikti, biraq, ony kúndelikti tolyqtyryp otyrý qajet. Máseleniń aldyn-alý úshin ortalyq birqatar jumys atqarylýda.
– Barlyq qan toby ortalyqta bar. О́tinimder ýaqytyly oryndalady. Biraq donorlar sany azaıdy. Biz barlyq medısınalyq uıymdardyń basshylaryna jáne kásiporyn jetekshilerine hat joldadyq. О́zimizdiń qyzmet kóligimizben donorlardy jetkizemiz, – deıdi oblystyq qan ortalyǵynyń bas dárigeri Ermek Muhamedıev.
Medısına qyzmetkerleri azamattardyń ıgilikti sharadan shet qalmaı, óz erikterimen kelýge shaqyrady. О́ıtkeni, sizdiń qanyńyz bireýdiń ómirin saqtap qalýy ábden múmkin.
Aqmola oblysy