Sońǵy aıda óńirde ajyrasý derekteri eki esege kóbeıgen. Onyń sebepteri de ártúrli. Mamandar statıstıkaǵa súıene otyryp, karantın kezinde tym kóbeıgenin aıtady.
On bes jyl otasqan Ordabaı úı jaıyn tastap, páter jaldap kóship aldy. Aıtýyna qaraǵanda, kelindi kórgisi kelmeıdi. Kelin bolsa, karantınge men kinálimin ba dep burqyldap júr. Jalǵyz Ordabaı emes, orǵa jyǵylǵandar az emes eken. Aqmola oblysynda aqpan aıynda 117 neke qıylǵan. Onyń 17 otbasy ajyrasqan. Al, ózin-ózi oqshalaý bastalǵaly naýryzda 114 jup otbasyn qursa, 34 shańyraq shaıqalǵan.
– Negizinen, qazir halyq úıde otyr. Bireýi teledıdar daýysyn kóterip kórse, ekinshisi shýlap, týǵan kún toılaýda. Endi biri, turmystyq janjaldarmen tynyshtyqty buzýda, – deıdi qalalyq ishki ister bólimi bastyǵynyń birinshi orynbasary Janat Sháripov.
Al, jergilikti polısııa qyzmetiniń derekterine súıensek, óńirde karantın jarııalanǵaly otbasylyq janjaldar boıynsha 41 hattama toltyrylǵan. Mundaı shara osy otbasylarda turmystyq zorlyq-zombylyqtyń qaıtalanbaýyna, janjaldardyń aldyn-alýǵa baǵyttalǵanyn aıta ketý kerek.