Kólik ınspeksııasy qyzmetkerlerine shabýyl jasaǵandar izdestirilýde.
Kókshetaýdan Qostanaıǵa shyǵatyn aınalma joldyń boıynda kólik ınspeksııasynyń qyzmetkerleri bıdaı artqan «Kamaz» avtokóligin toqtatqan. Júk kóligi Reseıde tirkelgen eken. Qujattaryn teksergende júrgizýshi kóliktiń ǵana qujatyn usynǵan. Al, júk qujatyn kórsetýden bas tartqan. Tótenshe jaǵdaı kezinde astyqty syrtqa shyǵarýǵa tyıym salynǵan.
Inspeksııa qyzmetkerlerimen jaǵalasqan kólik júrgizýshisi esebin taýyp sytylyp úlgeripti. Keıin belgisiz bireýler qaıta-qaıta kelip qoqan-loqy jasaǵan. Keshe tús shamasynda memlekettik nomeri joq úsh jeńil kólikke mingen bes-alty adam ınspeksııa qyzmetkerlerine shabýyl jasap, avtokólikteriniń dońǵalaqtaryn tesip, «Kamaz»-dyń qujattaryn tartyp alyp ketken.
Ázirge júk kóligi tabyldy. Qazir ınspeksııa qyzmetkerlerine shabýyl jasaǵandar izdestirilýde.
Aqmola oblysy