Oblystyń 206 aýyl sharýashylyǵy qurylymy kóktemgi dala jumystaryn oıdaǵydaı ótkizýge qajetti nesıe alyp úlgerdi.
Tótenshe jaǵdaı kezinde yrǵalyp-jyrǵalýdy kótermeıtin kóktemgi egis naýqanyn ýaqytyly ári sapaly ótkizýdi oblys ákimdigi erekshe nazarda ustap otyr. Osy maqsatta oblystaǵy blok posttardan fermerler men sharýa qojalyqtarynyń ókilderi kedergisiz ótetin jaǵdaı týdyrylyp otyr. Qabyldanǵan sharalardyń nátıjesinde jergilikti aýyl sharýashylyǵy taýarlaryn óndirýshiler 18,7 mıllıard teńge kólemindegi memlekettik qoldaýǵa ıe boldy.
Oblystyq aýyl sharýashylyǵy basqarmasynyń basshysy Dımash Talasbaevtyń habarlaýyna qaraǵanda, «Agrarlyq nesıelik korporasııa» aksıonerlik qoǵamynyń nesıeleý baǵdarlamasy operatoryna kúni búginge deıin 220 ótinim túsip, onyń 206-sy qanaǵattandyrylǵan.
Aqmola oblysynyń dıqandary ústimizdegi jyly 4,9 mıllıon gektar alqapqa dándi-daqyldar tuqymyn sińirmek.