Kókshetaý qalasyndaǵy «Ortalyq bazar» aksıonerlik qoǵamy oblystyq densaýlyq saqtaý basqarmasyna aımaqtaǵy medısınalyq mekemelerge qajetti 400 qorǵanys kombınezonyn tabys etti.
Búgingi kúni medısına qyzmetkerleriniń qanshalyqty qaýip-qaterge basyn tigip jumys istep jatqany barshaǵa málim. Osy oraıda, qorǵanys kombınezondary der ýaqytynda kórsetilip otyrǵan kómek desek, artyq aıtqandyq emes.
–Qoǵamnyń kómegi koronavırýs indetimen kúresip jatqan medısına mekemelerine qajettiligine oraı bólinedi,–deıdi densaýlyq saqtaý basqarmasy basshysynyń orynbasary Bolat Ábishev.
El birligi – qudireti kúshti tas qamal. Álmısaqtan beri talaı indetti jeńgen birligimiz bul joly da qaterli synnan súrinbeı óteri sózsiz.
–Biz dárigerlerdiń qyzmetiniń qanshalyqty qıyn ekendigin túsinip otyrmyz,–deıdi «Ortalyq bazar» aksıonerlik qoǵamynyń prezıdenti Dmıtrıı Ignatev,– sondyqtan járdemdeskimiz keldi.
Aýyrtpalyqqa arqasyn tosatyn azamattar kóp bolsa, elimizdiń tutastyǵy men halyqtyń amandyǵyna eshqandaı qaýip tónbeıdi.
Aqmola oblysy