Aımaqta 1793 mádenı-tarıhı eskertkish tirkelgen. Olardyń tórteýi respýblıkalyq mańyzy bar nysan tizimine engizilgen.
О́ńirde sonymen qatar «Kókshe jeriniń uly tulǵalary», «Qazynaly qazba – ult qundylyǵy» jobalary qolǵa alynǵan. Oblystyq mádenıet, arhıvter men qujattamalar basqarmasy men oblystyq «Kókshe» telearnasynyń birlesken «Babalar tarıhy – urpaqtyń ulaǵatynda» atty jobasy aıasynda 8 beıne fılm ázirlengen. Qazir olar áleýmettik jelilerde onlaın-rejımde kórsetilýde. Jyl saıyn aımaqta arheologııalyq qazba jumystary júrgiziledi. Byltyr ǵalymdar 5 aýdanda zertteý, zerdeleý jumystaryn júrgizgen. Tabylǵan jádigerler oblystyq tarıhı-ólketaný mýzeıiniń qoryna tapsyrylǵan. Qazir munda 1500-den astam jádiger saqtaýly.
–Ortalyq tarapynan qazirgi tańda oblystyq týrızm basqarmasymen birlese otyryp, 7 baǵyt boıynsha týrıstik fırmalarmen kelissózder júrgizip jatyrmyz. Budan bólek elimizde jarııalanǵan tótenshe jaǵdaılarǵa baılanysty ortalyq onlaın túrde sharalardy qolǵa alýda. Oblys boıynsha 12 mıllıon 970 myń 342 teńgege eskertkishterge aǵymdaǵy jóndeý jumystaryn júrgizý josparlanǵan,–deıdi oblystyq tarıhı-mádenı murany qorǵaý jáne paıdalaný ortalyǵy dırektorynyń mindetin atqarýshy Serik Ysqaqov.
Búgingi tańda tarıhı-mádenı eskerkishter 5 sanatqa bólinedi. Budan bólek kıeli jerler men monýmentaldi óner qurylystary da osy tizimge qosyldy. О́ńirdegi 1032 mádenı-tarıhı muranyń 977-i arheologııalyq eskertkish sanatyna jatady. 34-i monýmenttik óner týyndysy jáne 21-i qala qurylysy jáne sáýlet nysany. Al 46-sy kıeli jerler.
Qasıetti Kóksheniń qoınaýyndaǵy qundylyqtar az emes-aý.
Kókshetaý qalasy.